اليوم هتكلم عن وصفة للجمال من نوع آخر؟
للقضاء علي الحروق
وآثارها عن تجربتي الشخصية
نعم من نوع أخر للأسف معظم البنات والنساء بتكون فالمطبخ معظم اليوم
وغالبا بتتعرض للحرق من أي نوع خاصة القلي والشوي
بتسيب أثارها فاليدين أو في مناطق مختلفة
هقولكم الحلول والسريعة وعن تجرررررربه
أولا الحرق لو فعلا كبير وواضح وواصل لدرجة ثالثة أنتي محتاجه طبيب مفهاش كلام
ولكن لو بسيط أو ممكن يكون سطحي مش عميق تعملي حاجه بسيطه
تجيبي من الصيدلية معقم و شاش فازلين وتدهني المنطقة المصابة بكريم مضاد حيوي خاص بترتاحي له وياريت يكون خاص بالمناطق المصابة منعا للجراثيم
أو تدهني فازلين طبي وتثبتي ورق الفازلين عليها وتربطيها بشاش أول يوم سبيها بعد ما تعقميها كويس
تاني يوم غيري عليها صباحا ومساءا من تالت يوم ابتدي اعمليلها التجميل طيب هتقولي لسه مجروحه يبقي تسبيها لحد ماالجرح يلم وتعمل قشرتها او تاخد اللون بس متزوديش عن أسبوع
علشان تجمليها بنفسك فالبيت وبدون تكاليف
هقولك تعملي ايه بعد ماتحسي الجرح لم وخلاص تقدري تشيلي شاش الفازلين
أعملي عملية التجميل بنفسك
تجيبي نوعين من الكريم اللي بتفضليه انا جبت الاتنين بس هقولك اللي عمل معايا نتيجه أسرع
ولكن صدقيني اللي هيظبطلك ايدك ولمده اسبوع تعملي غيار يوميا له شاش الفازلين ودهان الفازلين الطبي مع كريم مضاد حيوي وطبعا لو الجرح كبير شويا وسطحي خدي معاه مضاد حيوي كبسول علشان أول يومين بتحسي بالحرقان
نرجع للكريم رخيص وفي متناول يدك
عن تجربة وجربي فعلا فالبقع الداكنة القديمة هو بيقشر بس ادهني 2 او 3 فاليوم
كريم أسمه لوكسيد آر
ده عبوة قديمة تغير ستايل العبوة ولونه حاليا تقريبا للأزرق
لو مش موجود بالصيدليات حاولي تكلمي صيدلي تعرفيه يجيبهولك
لأن من فترة أختفي ورجع وأختفي يعني بس هو خيااال
وفي كريم أسمه كونتراكتيوبكس
ده في منه مصري ومستورد والمصري حلو جدا جدا وعن تجربة ولكن أنا بفضل لوكسيد سريع جدا وده بستخدمه معاه عادي والكل جرب المصري وعارف
علي فكرة يابنات معلومة انا جربت في مشكلتي الأولي أنواع مستوردة وغالياة كتير منها كونتراكتيوبكس المستورد وميمبو ونوع تاني كان أسباني وللأسف الحل كان بنسبة 30 % ليه مش فاهمه غريبة أن فعلا المصري جاب نتيجة سريعة
ولا يمانع انك تخلي النوعين فالبيت علي فكرة يابنات انا فعلا جربت لوكسيد مع شاش الفازلين والحمد لله الذي شافاني وعفاني منه وبدون أثر لان تعرضت قبل كده وروحت لطبيب وللأسف معملش شئوكريمات وساب أثر المرة دي قررت أعتمد علي نفسي والحمد لله أستنعنت بربي وساعدني
انتي بتدهني اذكري الله وأستغفري وأدعي ان ربنا يشفيكي
الدعاء فكل شئ علي فكرة حتي لو شئ بسيط
وهقولك عن تجربة أيضا لما بدهن الكريم أو أي كريم علي منطقة مصابة
قولي بسم الله 3 مرات
أعوذ بالله من شر ما أجد وأحاذر 7 مرات
وانتي علي يقين أن ربنا هيشفيكي بأذن الله هتشفي وتدهني لحد ما تختفي آثاره حتي لو شهر كامل
ودايما يكون عندك فالبيت 4 حاجات في علبة أسعافات الأولية
معقم _كريم مضاد حيوي_ شاش فازلين_ فازلين طبي_ كريم لوكسيد آر أو كنتراكتيوبكس
وبتمني تكون تجربتي مفيدة ليكم زي مافادتني
ويارب اللي تستفيد من تجربتي فيوم وتتذكرني تدعيلي
اللي يعجبها موضوعي تدعيلي من قلبها
دعواتك لي
تقييمك يهمني
تحياتي للجميع