فكرة سجادة صغيرة ونفذتها : Craft
أخباركم حبيباتي
من فترة شفت فكرة بجوجل وحبيت أنفذها وخاصة وأدواتها بسيطة وفي كل بيت
أنا بحب شغل كرفت جدا وحسب وقت فراغي بحاول اعمل أي فكرة
فكرة سجادة صغيرة ونفذتها
الأدوات المستخدمة:
إبرة كروشيه
مقص
خيط كروشيه لونين او 3 ألوان حسب ذوقك أنا اخترت الرصاصي والأحمر والأزرق
شبك يكون مربعاته صغيرة
تعلمت أعمل أي فكرة بسيطة وأتعلم فيها وبعدين نتعلم الصح في مرة ثانية لو فيها أخطاء
شوفوا تجربتي ويارب تعجبكم
نشوف الخطوات بالصور:
وهنا الطريقة من المواقع اللي شفت الفكرة فيه
ده الشبك دورت عنه كتير فالمحلات كنت عايزة الشبك الأبيض بس مفيش أي نوع فكان عندي كيس الأرز الهندي
وأستخدمته أغسليه وهيكون طري شويا ونضيف
وأبتدي ارسمي الشكل في عقلك سواء مربع أو قلب اللي تحبيه
هتبتدي من جوه الشكل مش من بره
أخترت اللون الازرق من جوه وعملته بشكل مستطيل
أنا محبتش اعملها صور لأن مكنتش ناوية أنزلها
الطريقة
تجيبي الخيط وتقسميه في طول واحد حسب أستخدامك
أنا كنت بعملها علي مقاس الصوبع بتاعي
وأتنيها بالنص وبعدين أخد الإبرة وأدخلها في مربع الشبك وأطلعها بالإبرة الصور هتوضح كل شئ تابعوني
وهنا خلصت المربع الازرق وأبتديت باللون الرصاصي مستطيل جديد
وبعدين بعد ماخلصت المربعين دخلت فاللون الأحمر من الشكل الخارجي
أنا كده خلصتها بس لسه هكمل فيها حاجات هعمل الأطار لها ب 3 ألوان
وهسرح شعرها بفرشاة السجاد
ونقص الأطراف الزيادة علشان تكون متساوية
وتفرديها علشان تشوفي لو فيه فراغ تكمليه بالخيط
بتمني تعجبكم وتقيموني ولو مش عجباكي الفكرة قيميني وأمشي
يالا شجعوني علشان في أفكار كتير وتجارب عملتها هصورها ليكم
لأن تعبت فيها من 3 شهور بعملها حسب وقت فراغي والكام مش ظابطة بس مش مهم المهم نفذتها هكملها وأبعتلكم أخر التطورات
أحبكم في الله
دعواتكم لي
تقيمك يهمني
تحياتي للجميع