ღ كيفية التغلب علي الحالة المزاجية وتأثيرها ღ

( الحالة المزاجية )




ⓌⒾⓉⒽ
♥ⓃⒶⓇⓁⓨ♥
♥ⓃⓄⓊⓃⒶ♥


كل أنسان فينا بختلف بإختلاف الوقت مع الحالة المزاجية والقليل منا اللي بيقدر يتحكم في مشاعره وحالته المزاجية والنفسية نظرا لظروف شخصية او نفسية أو إجتماعية أو مادية وظروف الحالية فالمجتمعات العربية



التغلب علي الحالة المزاجية و تأثيرها

زادت بشدة تأثير الحالة المزاجية علي كل فرد فينا وبشدة للتأثير الخارجي عليها

المزاج في علم النفس جانب من جوانب الشخصية سواء كان شخصية منفتحة أو مغلقة أنطوائية يعني

في أحيانا بتسمعي كتير كلمة دي شخصية مزاجية كل دقيقة بحال له إيجابيات وسلبيات طبعا




الحالة النفسية والأجتماعية والشخصية بيكون لها عوامل مؤثرة وبتنحل مع طريقة حل الإنسان لمشاكله سواء كان بنفسه او بمساعدة الأخرين كذلك باقي المشاكل لكل مشكلة حل ولكن

أثناء وبعد حل المشكلة بنفضل متأثرين من الحدث بداخلنا ممكن جدا يبان علي ملامج وجهكـ

وبيأثر علي بشرتك وشكلك بمعني ممكن تقابلي بنت في العشرين وتشوفي شكلها أكبرمن سنها

ممكن بتمر بأزمة نفسية أومود معين مأثرفيها وممكن امرأة فالخمسين وتشوفيها متفائلة

وده مش مقياس لأن ممكن أسباب تانيه كتير خير الحالة المزاجية اللي أثرت فيها



المشكلة أنك مش بتتاثري لوحد بالمزاج السئ لا بتأثري علي كل اللي حواليكي

أنهارده أبنك ضايقك او زوجك او حد ودخلتي مكان ما او عملتي مكالمة أو دخلتي رديتي علي الفتوكات

أول شئ بتعمليه بتكلميهم بطريقة مش لطيفة وغير كده ممكن تفهمي كتابتهم غلط وهنا المشكلة

بلاقي بنات كتير كاتبه عبارة او جملة عادية أنتي لو نفسيا صح هتردي عادي لو مزاجك سئ هتلغبطي الحوار وتحصل مشكلة وده قلنا بسبب العوامل الخارجية الي أثرت عليكي

♥♥♥♥♥♥♥♥♥♥♥♥♥

لازم تتعلمي تفصلي بين مشاكلك الخاصة وحياتك العامة سواء بالاماكن العامة او مع أهل بيتكـ
أو حتي مع صديقاتك او في الإنترنيت وعلي فكرة ظهرت جدا لما تلاقي بنت حالتها المزاجية تمام أو مش تمام

تدخل تكتب بوست معين ويظهر ده وينعكس علي حالتها النفسية وطبعا بيبان بشكل عام

لأن بنقيس الحالة المزاجية من السلوك المحدد وأحيانا بيكون من الصغر لها حالة مأثرة عليها وراثية أو عوامل بيولوجية

كلنا عارفين الكلام ده لكن أنا موضوعي انهارده عن جزئية بسيطة ياريت تنفذيها



علي قد ما تقدري أفصلي تمام مشكلتك وتأثيرها علي باقي حياتك

لاانها هتاثر عليكي لو بنت أو حامل أو ربة أسرة او موظفة أو أي كان وضعك هتأثر بشكل كليا عليكـ

أول ما تلاقي مزاجك تغير غيري حالتك بسرع أتوضي وصل أقرئي قرآن أستغفري الله بقلب صافي

♥♥♥♥♥♥♥♥♥♥♥♥♥
أو أتمشي في مكان معين أو شوفي هواية بتحبيها ونفذيها في ناس بتغير مزاجها بطرق مختلفة ممكن تمسك التليفون وترغي مع صديقتها بس المهم متخليش الحالة النفسية تأثر عليكي وعلي غيرك

وممكن المطبخ لو بتحبي هواية الطبخ ولكن بنصحك بلاش لأن البنات لما يكون مزاجها سئ
ممكن تأكل اللي الأكل اللي فالبيت كله وكده دخلنا في مشكلة الرشاقة والدايت
او تلاقيها تروح تضرب ولادها او تتخانق مع اي حد يقابلها لا لازم تهدي

♥♥♥♥♥♥♥♥♥♥♥♥♥

كلنا معرضين للضغط النفسي في أي وقت والصح نتعلم نعالج نفسنا ومنضايقش حد بتصرفاتنا

لأن مش كل الناس ممكن تسمحلك بوضعك النفسي قدامها وبتحصل كتير للأسف




_ هل تعرفي تتكيفي مع الموقف؟

في عندهم قدرة التكيف مع الموقف وفي لا زي مثلا زوجة كل يوم شجار مع زوجها علي أمور بسيطة فتعودت دي أسمها تكيفت علي الموقف وعاشت معاه خلاص مبقاش يأثر فالاول كانت بتزعل وبعد كده بتشوفيها مبتسمه عادي

♥♥♥♥♥♥♥♥♥♥♥♥♥♥

_ هل ينفع أكون كل دقيقة بحال؟

الشخصية المزاجية دي اكتر شخصية بتأثر علي نفسها اكتر من الآخرين عارفة حالة الطلوع والهبوط اللي بتحصل دي

أصعب شئ فحياتك لأنها بتأثر عليكي وعلي الهرمونات بتلاقي نفسك مشوشة مرة تضحكي ومرة تبكي

انتي ممكن تعملي لنفسك مرض نفسي وتوصلي للأكتئاب والقلق النفسي لأنك مش هتبقي متزنة نفسيا ودايما في أضطراب وتغيير

اذا نحاول نهدي قدر الأمكان لأن الحالة المزاجية حالة لا بد تمر بيها ولكن عليكي يا تتغلبي عليها وتسيطري زي ما تتحكمي بأنفعلاتك او تككيفي معاها لحد متخرجي نفسك من المشكلة والحالة المزاجية اللي سيطرت عليكـ

♥♥♥♥♥♥♥♥♥♥♥♥♥♥♥♥♥♥

_ هل الشخص المزاجي مريض نفسي؟

لا في فرق بين الشخص المزاجي والشخص النفسي

مينفعش أقول علي مريض نفسي بمرض معين انه مزاجي لانه هو بالأصل بيعاني مرض نفسي
لكن المزاجية هي صفة موجودة في بعض البشر بتاثر عليها من عوامل نفسية

♥♥♥♥♥♥♥♥♥♥♥♥♥♥♥♥♥♥

_ الشخصية المزاجية صعب فهمها؟

فعلا صعب فهمها وصعب تفهي طبيعة الشخصية والأصعب أن الشخصية المزاجية عايزاكي فاهمة تصرفاتها وأفعالها

موضوعنا انهارده بدون مصطلحات صعبة أحنا بناقشها بسهولة علشان تفهمي المشكلة في ايه

وزمي ماكتبت قبل كده في موضوعاتي واخر موضوع الصفاء الذهني الكل سألني عالخاص العلاج الكيمائي وأنا مش بحبه

في حالات بيحتاج فيها المريض لعلاج كيمائي مش نفسي وجلسات عادية ولكن فحالات معينه

بلاش كل ماتروحي لطبيب نفسي يديكي مهدئ تاخديه ده بيأثر بعدين في حاجات كتيرة بديلة تحل مشكلتك وعلشان تحافظي علي صحتك من الأمراض العضوية والنفسية



نرجع لموضوعنا أزاي نحسن الحالة المزاجية من وجهه نظري
بعض النصائح المجربة في علاج الحالة النفسية:

الصلاة والأذكار والأستغفار والصدقة وقراءة القرآن الكريم
تغير المزاج برياضة المشي أو السباحة أو الرياضة المفضلة
الهوايات المفضلة ليكي بتحسن حالتك المزاجية حتي لو بتحبي هواية الطبخ مارسيها
القراءة والأطلاع علي كل جديد بيأثر علي الحالة المزاجية
بعض المأكولات والمشروبات بتحسن الحالة المزاجية مثل شوكليت والليمون
أبتعدي عن العصبية قدر الأمكان وعن الشخصيات والاماكن اللي بتأثر عليكي
الصفاء الذهني اللي كتبت عنه من قبل كل فترة لو عملتيه هيحسن حالتك المزاجية
أبحثي عن الأشخاص المتفائلين والشخصيات السعيدة والمبهجة
مشاهدة برامج مختلفة تحسن من مزاجك وخاصة البرامج

الثقافية اللي تشد انتباهك وتندمجي معاها
حاولي تنظمي مواعيد نومك والأستيقاظ مبكرا
الشهيق والزفير في الهواء الطلق هيفيدك
الإبتسامة الصافية والسعادة والتفائل

حاولي تعملي لنفسك حالة من الهدوء النفسي وقت حدوث المشكلة ابتعدي وفكري بتأني
للمتزوجات فقط غيري مزاجك بعلاقتك الزوجية مع زوجكـ

الروتين بيأثر علي حياتك اليومية غيري من روتينك اليومي قليلا هتشعري بالراحة سواء في شخصيتك أو بيتك
الألوان مهما كانت في ملابسك في بيتك في رسوماتك بتحسن الحالة المزاجية جدا
خدي شاور دافئ وأسترخي وأدهني ببعض الزيوت العطرية اللي بتحسن المزاج والمساج أو برفيوم هادي بتحبيه
تابعي الأدوية اللي بتستخدميها ربما بتأثر علي حالتك المزاجية
العطور والورد والزهور لها تأثير علي مزاجكـ العام
وغالبا البنات كلها وقت البريود بيبقي مزاجها مش تمام في حاجت كتير تغير مزاجك وقت الطمث وكتبت عنها
أبتعدي عن تذكر الذكريات المؤلمة والماضي

أنتبهي من المأكولات والمشروبات اللي بتأثر علي حالتك
النفسية وأبحثي عن اللي بيحسن من مزاجك



قبل ماأنهي موضوعي في جزء من مقال قرئته وبتمني تقرئيه
الحالة النفسية في ميزان الإسلام

كثير من الناس يجعل حياته رهينة لحالته النفسية ومزاجه المتقلب، فتراه يسلم ويرهن مستقبله بيد غيره، فإن جاءه ما يسره استقبل حياته وعمله وخطط وأمّل وتفاءل، وإن لم تجر الرياح بما تشتهيه سفنه استدبر حياته وأهمل عمله ومستقبله، وهذه آفة خطيرة، وسلوك العاجزين، وهروب إلى الوراء، وإهمال قاتل لنعمة التغيير والتخيير التي أنعم الله بها على الإنسان.

قال تعالى: «وَلَهُ مَنْ فِي السَّمَاوَاتِ وَالْأَرْضِ وَمَنْ عِنْدَهُ لا يَسْتَكْبِرُونَ عَنْ عِبَادَتِهِ وَلا يَسْتَحْسِرُونَ. يُسَبِّحُونَ اللَّيْلَ وَالنَّهَارَ لا يَفْتُرُونَ»فهذا شأن الملائكة عليهم السلام، فإنهم لا يضعفون، ولا يسأمون، وإن التسبيح لهم بمنزلة النَّفسَ عند الإنسان.

أما البشر فإنهم يضعفون ويفترون في سيرهم إلى الله تعالى، ويقصرون أحياناً ببعض الحقوق ويضيعونها، بل يدركهم الملل كثيراً.

وقد علم الله سبحانه وتعالى وجود الملل لدى الإنسان فلوّن له الطاعات، ونوّع له سبل التقرب إليه من ذكر وصلاة وإنفاق وسعي وتفكر وصيام وعلم وحج...


إلى ذلك حتى إذا ملّ انصرف إلى طاعة غير التي كان عليها، فتتجدد نفسه، وتنشط عزيمته، وتقوى همته.

♥♥♥♥♥♥♥♥♥♥♥♥♥♥♥♥♥♥

وقد ورد في الحديث الشريف: عن حنظلة بن الربيع رضي الله عنه قال:

كنا عند رسول الله صلى الله عليه وسلم فذكر النار، ثم جئت إلى البيت فضاحكت الصبيان، ولاعبت المرأة، فخرجت فلقيت أبا بكر، فذكرت ذلك له، فقال: وأنا قد فعلت مثل ما تذكر، فلقينا رسول الله صلى الله عليه وسلم، فقلت: يا رسول الله نافق حنظلة، فقال: مَهْ؟

فحدثته بالحديث، فقال أبو بكر: وأنا قد فعلت مثل ما فعل، فقال: يا حنظلة، ساعةً وساعةً، لو كانت قلوبكم كما تكون عند الذكر لصافحتكم الملائكة، حتى تسلم عليكم في الطرق.(مسلم والترمذي).




فتور الصحابة

وقد كان مجتمع الصحابة رضي الله عنهم يعانون مشكلة (الفتور) أحياناً حتى ورد في الحديث عن أبي ذر الغفاري رضي الله عنه قال:

سألت رسول الله صلى الله عليه وسلم: أي العمل أفضل؟ قال: الإيمان بالله، والجهاد في سبيله، قلت: فأي الرقاب أفضل؟ قال: أغلاها ثمناً وأنفسُها عند أهلها، قلت: فإن لم أفعل؟ قال: تُعين ضائعاً، أو تصنع لأخرق «الذي لا يحسن العمل والتصرف المناسب في الأمر»، قلت: يا رسول الله: أرأيت إن ضعُفت عن بعض العمل؟ قال: تكفُّ شرك عن الناس، فإنها صدقة تتصدق بها على نفسك (البخاري ومسلم).

فالرسول صلى الله عليه وسلم يوجه النفس الإنسانية حين تضعف عن الأمر، وتكل من الجهد إلى الأمر السهل اليسير، وهو الكف عن الأذى، فلا يحتاج (الكفُّ) إلى بذل مجهود،


ولكنه عمل إيجابي من النفس تستطيعه، وهو صدقة تؤجر عليها، وهذه فنون تعامل مع النفس، فلا تكن مع نفسك كالعصا فتكسر، أو كالليمون فتعصر.




كل دي نصايح تفيدك نوعا ما في القضاء علي الحالة المزاجية المؤقتة لأن أكيد كلنا بنمر بيها في أوقات مختلفة وبتمني الموضوع يفيد كل الفتوكات ونصايحي تعجبكم من التجارب اللي أفدت البعض وتابعوني بكل جديد



دعواتكم لي

تقييمك يهمني

تحيااتي للجميع