اعملي لأولادك الشيتوس في البيت بطريقة مضمونة وصحية أكتر من الجاهز اللي فيه مواد حافظة
مقادير الشيتوس في البيت
كوب دقيق ذرة أصفر منخول كوب (لازم يبقا منخول عشان هيطلع حاجات عمالة زي القشر صغيييرة ) لو مفيش أصفر ممكن دقيق ذرة أبيض بس الأصفر طعمه ولونه أحلا والوصفة دي عملاها بالأبيض
ملعقة كبيرة بيكنج بورد
ملعقة كبيرة بصل بودر (ممكن أي طعم تحبوه)
ملح حسب الرغبة
ملعقة كبيرة وربع نشا
ملعقتين كبار زيت
بيضة
بشر ليمونة (اختياري) بس عشان طعم البيض ميبقاش باين
ماء للعجن
طريقة تحضير الشيتوس في البيت
- نخلط المكونات الجافة
- نضيف الزيت والبيض ونقلب
- نضيف الماء تدريجي لحد ماتبقا عجينة لييينة هتبقا اتقل شوية من عجينة الكيك يعني تتشال بالمعلقة وتثبت عليها متقعش
- هنغطيها ونسيبها ترتاح ساعة
- هنحطه في كيس بلاستيك صغير ونخرج منه الهوا ونربط كويس أوي
- هنقص بالقص فتحة صغيييرة
- هنسخن زيت غزير
- هننزل العجينة من الكيسة في الزيت على شكل صوابع
- هنقليها على مرتين يعني هنحطها في الزيت لحد ماتاخد لون وتقرمش بس مش أوي وبعدين نطلعها على ورق مطبخ لحد مانكمل قلي الباقي أول مرة
- بعد كده هنقليهم تاني بس هنهدي النار عشان ميبقاش لونهم غامق ونقليهم لحد مايقرمشو خالص
- وبالهنا والشفا
25/4/2024, 8:36 am من طرف امل حسون
موضوع: طريقة عمل الشيتوس فالبيت 
