نصيحة واحدة هتفرق فحياتكـ وجمالكـ

نصيحة واحدة هتفرق فحياتكـ وجمالكـ






نصيحة واحدة هتخليكي دايما جميلة


نصيحتي ليكي اليوم هتفرق في حياتك




كل واحدة بتحب تهتم بجمالها ولكن في دايما بتهتم بنفسها وفي كسولة عن نفسها وفي بتتكاسل

هتقولي الولاد والدراسة والعمل والمسؤلية هقولك كلها ممكن تعمليها وتهتمي بنفسك ولو ساعتين فالاسبوع

أعملي لنفسك جدول خاص بيكـ في جدول اليوم ولو ساعتين فالأسبوع
نصيحة واحدة هتغير حياتكـ وجمالكـ




نبتدي بخطوة خطوة وجمالك بالطبيعة:



الشعر

أغسلي شعرك بشامبو مناسب والمفروض تغسليه بماء دافئ قبل استخدام البلسم علشان تفتحي المسام ولما تخلصي غسيل بالبلسم أغسليه بماء بارد علشان تقفلي المسام تاني

وأهتمي بيه وجففي بعد كل شاور علشان الرطوبة ومتستخدميش السشوار الا بعد 20 دقيقة من الغسيل

مساج الشعر ضروري لو عايزة تحافظي علي صحة شعرك تدلكيه يوميا

أستخدمي مرطب الشعر سواء كريم أو زيت بيناسب شعرك وأمعلمي حمام كريم أو زيت ولو مرتين فالأسبوع

ده بيرطب وينعم ويغذي الشعر حاولي تعملي ماسكات طبيعية للشعر كل فترة

العسل والمايونيز والبيض والزبادي والزيوت الطبيعية والصبار والحنة والثوم وغيرهم كتير

أختاري اللي يناسب نوع شعرك مش اي وصفة تقريها لازم تجربيها وتغامري بصحة شعرك

لكن اعرفي فايدتها وتأكدي منها لشعرك وعايزة أقولك أن لكل مشكلة سبب وحل يعني التقصف غير الجفاف

♥♥♥♥♥♥♥♥♥
♥♥♥♥♥♥
♥♥♥

لكن كلها مسببة لبعض والمشكلة كل واحدة بتستخدم مواد أو شامبو مش مناسب لشعرها

غيري نوع الشامبو لو مش مناسبك بس أنتبهي ان علي مايتعود شعرك علي نوع شامبو بياخد وقت

أنا بفضل الشامبو الطبي أو جونسون لكن أنتي بتفضل اي نوع ويناسبك أولا لازم تتنتبهي

وأي مشكلة بتخص الشعر والبشرة هنوضحها في أخر الموضوع

بلاش تشدي شعرك بالتوك والبنس أو تمشطيه بعنف عاملي شعرك برفق

ودايما حافظي عليه ناعم وطري وحاولي تغيري تسريحة شعرك من وقت للتاني علشان ميتعودش علي ميل معين وقصي أطراف شعرك




البشرة

البشرة كلنا بناني منها بسبب أهمال أو تراكمات مشاكل او وراثة والجو والشمس كل ده بيأثر
بتقولي بستخدم كريم ومش بيعمل مفعول الاول أعرفي تستخدميه أزاي وأمتي
يعني دايما قبل أستخدام
أي كريم علي البشرة لازم تغسليها كويس جدا وخاصة بماء دافئ علشان تفتحي المسام

وخاصة كريم الخاص بمشاكل البشرة زي حب الشباب

نصيحة هامة:




قبل أستخدام الكريم الخاص بمشاكل البشرة كحب الشباب يجب غسل الوجه بماء دافئ أو جيبي قطنة أو فوطة بعد غسيل البشرة ومرريها علي وجهك لتفتيح المسام والأفضل غسلها

ليه لأن الكريم المفروض بيشتغل علي البشرة ومسامها مفتوحة ولما تصحي من نومك أو لو بتستخدميه بالنهار كمان

لازم تغسلي وشك بماء دافئ تنضفي وتفتحي المسام وبعد كده بماء بارد

بينشط الدورة الدموية وبيقفل المسام تاني زي موضوع الشعر كده

لازم تعملي صنفرة لبشرتك كل أسبوع علي الاقل مرتين او ثلاثة علشان تغيري من بشرتك للأفضل
لازم تشيلي القشور من علي بشرتك الصنفرة وسكراب هتفيدك جدا ولو عملتيها بماسكات طبيعية
وبلاش تغسلي وجهك بصابون عادي ممكن طبي ولكن الافضل غسول لنوع بشرتك

يعني فيها ايه لو غسلتي بشرتك الصبح وبقطنة مررتي عليها بماء ورد أو حتي عصير النعناع
هتحسيي بأنتعاش ومساج البشرة ضروري يوميا

♥♥♥♥♥♥

لو شايفة تكلفته عالية اعمليه فالبيت ويناسب بشرتك والتونر مهم جدا للبشرة

أهتمي بكريم الصباح والمساء في بيقول مش بيعمل حاجه لا بيعمل لو جبتي اللي يناسب بشرتك ويكون نوع كويس وله فوايد مهمة ودايما تسألي طبيبة جلدية هيفيدك بأفضل الأنواع وفي ماركات مفيدة للبشرة

والماسكات المفيدة للبشرة كتيرة جدا عسل وزبادي وخميرة وبالبيض وبعض الفواكه

والنشا وليمون وحليب وماء الورد والزيوت الطبيعية

وغيرها كتير جدا بيفرق لنعومة وتبيض بشرتك بس أنتبهي لكل وصفة لو بشرتك حساسة

البشرة الجافة محتاجه ترطيب والدهنية محتاجة نضافة وعناية علطول والمركبة وغيرها محتاجه نضافة وترطيب

وأعرفي نوع الوصفة يعني مثلا النشا معروفة للتفتيح والزيوت والزيادي للترطيب والعسل للنعومة




أنا مش هكتب وصفة انا كتبت كتير تجارب وما شاء الله البنات هنا كاتبه تجارب كتيرة جدا مفيدة ومجربة

بس مش شرط علشان تناسبها فتناسبك لا كل واحدة لها بشرة مختلفة

لازم تحللي وتعرفي المشكلة من الداخل للخارج يعني ربما عندك أنيميا بتأثر جدا ولو جرثومة بتأثر علي البشرة

وبعدين نعرف المشاكل الخارجية ولازم لو مشكلة فعلا تعالجيها الاول وفي كتير بيستخدموا الليزر وغيره لعلاج البشرة وده مهم الطبيبة تبلغك بيه علشان تعرفي معلومة لازم فعلا لو مشكلة كبيرة متحاوليش تعالجيها من نفسك روحي لطبيبة

وعلاج البشرة بالتقنيات الحديثة حاليا ما شاء الله بتتعالج مهما كانت المشكلة

لأن مشكلة البشرة سواء تفتيح او جفاف او تقشير أو المسام أو حب الشباب او غيرها كل مشكلة لها حل مختلف

يبقي أعتني بنضافة بشرتك وتعملي لها ماسكات طبيعية وتجففيها وترطبيها وأستخدمي كريم مناسب ليكي

اللي بتستخدم ميك آب كتير ريحي بشرتك كل فترة ولو في ويك آند وأعملي لها مساج

وصن بلوك مهم جدا جدا للخروج بالنهار وفي منه بيعمل كريم أساس علي البشرة وده بديل لكريم الأساس وحلو للبشرة وفي بودر كمان بتجبيه من صيدلية مضمونة واستشري طبيبتك في نوعه

♥♥♥♥♥♥♥♥♥
♥♥♥♥♥♥
♥♥♥

ماء الورد بيدي نضارة وجمال للبشرة تمسحي بيه ليل نهار وأستخدمي زبدة الكاكاو ولونا حلوة للشفايف وبترطبها

أستخدميها بليل أو بديل للروج بالنهار وفرقي بين مكياجك بالنهار وبليل لأن للأسف كل الميك آب خطر علي البشرة بالنهار

مع التعرض لأشعة الشمس والجو ودايما تستخدمي مستحضرات ماركتها نضيفة علي البشرة ولو أن اي ماركة لاأن التعرض للشمس بيفقد الكولاجين من بشرتك

بردوا خطر علي البشرة بس أذا بتستخدمي أسخدمي شئ غالي ونضيف

نضفي وزيلي مكياجك بمستحضرات طبيعية او زيت جونسون كتبت عنه من قبل فوائده راائعة


نعومة وجمال وبياض بشرتك لو أهتميتي بيها هتشوفي الفرق علطول ولكن بعد حل مشكلات بشرتك



الأسنان

دايما تغسلي أسنانك وتنضفيها بعد كل وجبة والأساسي صباحا ومساءا
وتعملي ليهم ماسك خفيف أومعجون تبيض وتعطري فمك



الأظافر

أفضل حل لها الليمون وزيت الزيتون والثوم أستخدمي اللي يناسبك منها لتقوية الأظافر ومنعها من الكسر
وتابعي مواضيعي هتلاقي كتبت عنها وعن تجارب للبشرة



العيون

أهتمي بجمال عيونك دايما تنتبهي لنوع الكحل اللي بتستخدميه

وفي قطرة كغسول للعين حلو أستشري طبيبتك وبالنسبة للهالات السوداء

لازم تعملي لها ماسك مريتن او تلاته فالأسبوع عن تجربة ماسك الخيار أوالبطاطس

وتدهنينهم بكريم الخاص بمنطقة حول العين بعد غسيلهم وتجفيفهم
وبلاش أستخدام شادو علطول أو تعرضيهم للحرارة وانتبهي تلبسي عدسة
وانتي بتستخدمي سشوار او تحت اشعة شمس أو تعرض للحرارة فالمطبخ



الجسم

أغسلي جسمك كويس جدا ولازم تعملي ولو مرة في الأسبوع صنفرة وسكراب كامل للجسم

عندك الحنة البيضاء والحنة والكركم والزيوت الطبيعية وملح الجسم والطمي والحمام المغربي والدلكة والملح والسكر كلها مهمة جدا

حمام البخار مهم جدا للبشرة والجسم والمساج ضروري كتير

ولو مش هتقدري تشتريهم اعملي فالبيت بوصفات طبيعية وأغسلي جسمك بلوفة الجسم أكثر من مرة علشان تخلصي من القشور الميتة وتغسليه بماء دافئ وتقفلي المسام بماء بارد خلاص تعودنا
هتلاقي نضافة ونعومة ورائحة عطرة مهمة للبشرة

واللي بتجرب هتعرف الفرق والنعومة واللي مجربتش بنصحها تهتم بجسمها وجمالها

ودايما ترطبيه عندك باللوشن والزيوت الطبيعية وتعطريه وفي ناس تقول هاخد شاور خفيف وتلاقيها تاخد شاور وبعد ماعملت كل ده تلبس نفس الملابس ياحبيبتي ماهو البكتريا والجراثيم والعرق فيهم لازم تغيري ملابسك وخاصة الداخلية يوميا

وأيدك وجسمك لازم بالشاور بتاعك يكون فيهم نسبة ديتول لو مش بتستخدمي ديتول البشرة واليد خلي في كل غسلة نقاط الديتول في غسول اليد والجسم علشان الجراثيم وصحيا أفضل



والمناطق الغامقة والحساسة قشريها ورطبيها كويس وكريمات التفتيج مهمة والأفضل ماسكات التفتيح

زيت الزيتون بيرطب وينعم ولكن لازم تهتمي والمناطق التانية زي الركبة والكعبين أغسليهم ونضفيهم بالحجر الطبي

وادهنينهم زيت زيتون او فازلين والأتنين الكل عارف فوايدهم للبشرة والجسم وغلفيهم بكيس لمده ساعه او ساعتين

أو ألبسي شراب هتلاقيهم ناعمين ونضاف اعمليهم علطول وأدهنيهم بكريم القدم

وغيري الشراب يوميا بتاع البيت غير اللي جيتي منه بالشغل وخلي رجلك تتنفس شويا وأهتمي بنفسك



الأيدي الناعمة

والأيدين الحلوين الناعمين يتعمل لهم سكراب ونخليهم علطول فيهم بياض ونعومة

سكراب الملح او السكر مهمين لليد تعمليهم مع ماء ورد أو زيت زيتون أو نقطتين ليمون

وتدهني صباحا ومساءا بكريم اليد

كل ده عمليته مرتين علي الأقل فالأسبوع هتلاقي فرق كتير في نضافتك الشخصية وهتلاقي ده أفضل ليكي

صحيا ونفسيا وهينعكس علي راحتك الداخلية وكمان ريحتك هتكون حلوة وعطرة وبعدين يابنات

النظافة من الإيمان حتي لو بتصل هتلاقي ريحتك حلوة وملابسك نظيفة ينفع تصل من غير ما تكون ريحتك طيبة

كل ده ياخد من ساعة أو ساعتين فالأسبوع ممكن تعملي شعرك وجسمك في نفس اليوم

ولكن بشرتك هتهتمي بيها كل يوم زي ما بتاخدي شاور قبل النوم ممكن تعملي الجدول اليومي مساءا ولما تصحي من النوم نفس الشئ بتغسلي وشك طبيعي وخلي الكريم معاكي وأستخدمي والماسك ممكن يتعمل حتي وأنتي بتعملي أي شئ في بيتك تقدري تستغلي الوقت 2 في 1



نيجي بقي للأسباب المهمة جدا اللي بنعاني منها وبنهمل فيها:

الغذاء الصحي يابنات اللي أحنا بنهملهسوء التغذية وفوائد الطعام والشراب هي سبب مشكلتنا

أن لو بعمل ماسك مثلا علشان شعري وجسمي وبشرتي ماهو الأفضل تأكلي الطعام ده

علشان جسمك يتغذي منه ويفيدك بقي في شعرك وبشرتك

زي الزبادي ماهو مهم للشعر والبشرة والجرجير والثوم وغيرهم
مساج الجسم هو الرياضة والتمارين لشد الجسم والمظهر

والحالة النفسية بتأثر حاولي تتغذي كويس أكلي صحي ومفيد لجسمك وبشرتك وطاقتك وأشربي العصائر الفريش ونامي في وقت محدد وأسترخي كل فترة

زي البرتقال والجزر والليمون والخضار مهم جدا للبشرة

ماهو علشان تعتني بجمالك لازم تعتني بصحتك الأول




أنا كنت جايه أكتب نصيحة قلبت لعدة نصائح علشانكـ وإن شاء الله فالخير

أنا مكتبتش لا منتج ولا وصفة أنا بس حبيت انبهك لبعض الأمور اللي بتهمليها مع أنها مهمة ليكـ
ومتكسليش وتعملي مرة واحدة وتنسي نفسك ووقتك لازم تعملي النظافة الشخصية بإستمرار

وأنا علطول بتكلم فب المواضيع دي وفي برنامجي تابعوني هنزل ليكم علطول كل اللي يهمكـ

بتمني موضوعي يكون أفادكم جميعا متنسونيش من دعواتكم الحلوة وتقييمك لو عحبك موضوعي.

ⓌⒾⓉⒽ
♥ⓃⒶⓇⓁⓨ♥
♥ⓃⓄⓊⓃⒶ♥



دعواتكم لي

تقييمك يهمني

تحياتي للجميع