وداعا للتردد من حياتنا
ⓌⒾⓉⒽ
♥ⓃⒶⓇⓁⓨ♥
♥ⓃⓄⓊⓃⒶ♥
♥♥♥♥♥♥♥♥♥
مشكلة بيعاني منها البعض من البشر وأحيانا تكون سمة من سماتهم الشخصية
وهي التردد في التفكير والقرارات والأعدادات للحاضر والمستقبل
التردد للأسف بيصاحب الشخصيات المهتزة والمذبذة بسبب فقدان الثقة بالنفس
كتير بيضيع حقوقه وبعض الفرص المتاحه له في حياته بسبب التردد
عدم قدرتك علي أخذ قرار بيكون سببه عدم ثقتك فنفسك وفي قراراتك
أنك تقدري تاخدي القرار الصحيح وهنا المشكلة اللي بيترتب عليه مشاكل عديدة
عندك أنترفيو ومترددة تروحي
أو لا هيكون مظهري ايه أو هعرف أتجاوب او لا
أو متقدملك عريس وقلقانه تواجهي العائلة أو سفر أو غيره أو عندك قرار مهم فحياتك سواء العملية أو الأجتماعية
وفرص بتعدي كتير عليكي ومع ذلك بتعاني من التردد فيها مع أن اغلب الناجحين فحياتهم
هما اللي بينتهزوا الفرص الإيجابية لصالحهم وبلا تردد وبثقة بالنفس
وداعا للتردد من حياتنا
كيفية القضاء علي التردد:
أولا: ثقي في نفسك وقراراتك وتحملي نتيجة قرارك الإيجابي او السلبي
ومتقوليش فشلت وياريتني الحياة تجارب عيشي وخدي قراراك بعد تفكير عميق ومتتردديش
لازم تتقبلي النجاح والفشل والمكسب والخسارة بالعكس هتزيدي خبرات أفضل
ثانيا: فكري فالموضوع بشكل كبير وابعاده وأدرسيه وخدي قراراك وتوكلي علي الله سبحانه وتعالي
ثالثا: واجهي نفسك والمجتمع بقراراتك مش لازم تخافي هواجهم ازاي لو فشلت بالعكس فكري أنك هتنجحي ولو خسرتي أنتي كسبتي ثقتك فقراراتك ومواجهتك لنفسك وللجميع وخبرات مكتسبة لتستفيدي منها فالمستقبل
رابعا: دايما حددي هدف لحياتك توصلي له غياب الهدف هو التردد بعينه لانك لو ليكي هدف هتوصلي وتحاولي توصلي له
وهتقضي علي مخاوفك والتردد لأن بسبب التردد هتضيعي نفسك وحياتك
خامسا: لازم تتفهمي حياتك ونفسك وتشوفي انتي عايززة ايه فحياتك وتبتدي تعمل تخطيط صحيح لحياتك ثم هدف ثم الوصول له بلا تردد خدي نفس عميق وفكري وهتقضي علي ترددك بإذن الله
أقضي عالتردد وأبني حياة جديدة وفكر جديد ليكي ولنفسك ولحياتك
سادسا: لما توصلي لقرار مترددة فيه قولي لنفسك ليه مترددة وضعي الأسباب وفكري فيها أعرفي نقطة ضعفك وقويها
وسعي ثقافتك بالمعلومات والخبرات علشان تقدري تاخدي قرارا حكيم وصائب فحياتك وسعي دائرة تفكيرك
بلاش تهتمي لرأي الغير فكل شئ ممكن يغير مصير حياتك ثقي بنفسك
وقت متحبي تاخدي قرار متتردديش وثقي فنفسك وفكري وأعدي خطواتك وضعي هدفك وتوكلي علي الله
حياتنا كلها فرص وصح كل شئ مكتوب عند الله ولو ليكي نصيب فشئ بتلاقيه ليكي ولكن علينا أخذ القرارات وعدم التردد للتخلي عن الندم من حياتنا العملية
التردد سمة صعبة جدا علي النفس البشرية ومحيرة وأكيد كلنا نحب نستشير ذوي الخبرات ولكن لازم تكوني نفسك فبعض المواقف الحاسمة الخاصة بيكي لوحدك بلاش تسويف وعرقلة فحياتك وأحسمي قراراتك
عايزاكي تقولي لنفسك وتوعديها من اليوم حياتنا بلا تردد ومش هتترددي فقراراتك تاني وهنفكر صح ونثق بحالنا
بتمني للجميع تكون كل قراراتهم سليمة وتعود عليكم بالنفع والنجاح موفقين أحبائي.
دعواتكم لي
تقييمك يهمني
تحياتي للجميع