منتدي نسائي ثقافي أجتماعي للمرأة العصرية
اهـلا ومرحبا بـك يـا زائر في مـنـتـدي صاحبة الجلاله

نرجو أن تحترم القوانين وتذكري و أنتبهي اختي الفاضلة

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

أشتركي معنا وأنضمي لأسرتك الثانية


 
الرئيسيةالرئيسية  البوابةالبوابة  اليوميةاليومية  الأحداثالأحداث  س .و .جس .و .ج  بحـثبحـث  التسجيلالتسجيل  دخولدخول  
بحـث
 
 

نتائج البحث
 

 


Rechercher بحث متقدم
المواضيع الأخيرة
.: عداد زوار المنتدى:.
لغة المنتدي

شاطر | 
 

 ❀القضية الأولي قضية رأي عام ( الأخلاق)❀

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
صاحبة الجلاله
مديرة ومؤسسة المنتدي
مديرة ومؤسسة المنتدي
avatar

المشاركات : 2543
تاريخ التسجيل : 15/11/2009

مُساهمةموضوع: ❀القضية الأولي قضية رأي عام ( الأخلاق)❀   24/10/2017, 9:29 pm







مع حلقات قضايا المجتمع
القضية الأولي
❀ قضية رأي عام ( الأخلاق) ❀







كل مرة هكتب عن قضية شغلت الكثير من الأفراد فالمجتمع وكانت حديث رأي عام
هناقش فيها قضية قابلة للنقاش وردوردكم ومشاركتكم لإيجاد افضل الحلول المناسبة





قضيتنا اليوم القضية الأخلاقية

للأسف بنواجه اليوم في كل مكان فالمدرسة والشارع والنادي والعمل والبيت مشاكل أخلاقية

نبتديها الطلاب اللي بنسمعهم بألفاظ غير راقية فالمدرسة والنادي والشارع

واذا حصل مشكلة بين الموظفين فالعمل انا مش قضيتي التلفظ الغير أخلاقي بس

قضيتي أخلاقنا وصلت لكده ليه كان زمان نسمع أن ممكن جدنا تعصب شويا وقال كلميتن

بس دلوقتي بنسمع من أولادنا وأحفادنا ومش بس بالتلفظ لا وبالأفعال وهي دي قضيتنا





كل موظف وموظفة لو أنتبهت لشغلها وعملت اللي عليها بدون أتكالية ولا تقليد وحاولت تساعد الناس بضمير بصرف النظر عن المصلحة اللي بتشتغل فيها عندها ضمير أو لا كوني انتي الضمير

لو طالب او طالبة ذاكروا وأجتهدوا وعملوا اللي عليهم في ظل أسوء أستغلال التعليم

لو كل واحد عمل اللي له أو عليه فالبلد دي وشاف شغله وأجتهد في ظل الظروف اللي أحنا فيها
صدقوني مفيش حد بيخرج من بيته ورايح يشتغل وبنا مش هيكرمه طيب ايه المشكلة في كلامي




أخلاقنا بتنحدر وتتدمر  من كل اللي بنشوفه حوالينا كل يوم قضايا لا أخلاقية تحرش وقتل وسرقة وأنعدام في الأخلاق فالتعامل وتغير اساليب البشر بحسب أحتياجهم للأخرين كل ده ليه؟

هل هو سبب أقتصادي او مادي او معنوي أو سياسي أو لا اساس لوجود سبب ؟ 
هنتناقش ونفهم بعض النقاط

كثير من مشكلاتنا الحياتية اليومية نستطيع ردها إلى التدهور الأخلاقى الشديد، الذى أصاب بنيتنا الاجتماعية بقوة فى العقود الأخيرة، وجعل حياتنا صعبة للغاية، إذ ترسبت فى النفوس على مدى سنوات الفساد والتجريف مجموعة من القيم السلبية والأخلاق الرديئة منها على سبيل المثال: الكذب والمراوغة والاحتيال والغش والنفاق والفهلوة والانتهازية والأنانية وعدم إتقان العمل والتهرب من المسؤولية

وعدم احترام الوقت وخلف الوعد وخيانة الأمانة والكسل واللا مبالاة والعشوائية والقبح فى القول والفعل والعنف وعدم احترام حقوق الآخر والاستهانة بالنفس البشرية وإهدار قيم النظافة والنظام والجمال. هذه التركيبة الأخلاقية السلبية صارت تهدد أمننا النفسى وتهدد مستقبلنا، وهى للأسف فى حالة انحدار مستمر، لأنه حتى الآن لا توجد جهود حقيقية موجهة نحو التشخيص والعلاج مع أن هذه المشكلة الأخلاقية تعصف بأى جهود تنموية فى أى مجال من المجالات.






أخلاقنا بقت صعبة مع بعض فالوقت الحالي وقت الفتن أنتشرت المعاصي والذنوب بسبب أفعالنا وأقوالنا نتقي الله في حياتنا مع اهالينا وفشغلنا وفجيرانا وكل واحد يتقي الله في حياته هنلاقي الدنيا اصبحت افضل

كل يوم بندخل علي سوشيال ميديا نلاقي أخبار مزعجة بنت اخطات او شاب قتل او حوادث كثيرة

التنشئة الأجتماعية الصحيحة بدأت من البيت لو مش هتعرفي تكوني قدوة لأولادك وتعليمهم دينهم وعادتنا وتقاليدنا والاحترام والاخلاق
تفتكري هيعملوا ايه فالشارع ومع المجتمع




ظروف الناس بقت صعبة في الغلاء والأفتراء اللي بقينا فيها بقينا في وقت محتاجين نتمسك بدينا وأخلاقنا وزرع الوازع الديني جوه قلوب وعقول أولادنا

أنتي ممكن تكوني مش لاقية تأكلي بس ممكن تكوني صحيا قادرة تصل وتجمعي اولادك للصلاة مع والدهم

علميهم ان اللفظ محسوب عليهم مش كل شئ هنقول الاأولاد هقولك ليه ما هما اللي هيكبروا ويصبحوا فالمجتمع




لما بنقابل شخصيات محترمة وكريمة وخلوقة بتلاقيهم يقولو الوالد أو الوالدة علمتنا نكون كده

أخلاقنا في علاقتنا مع الأهل بسبب أن مش لاقيين وقت غير للموبايل والأنترنيت



بقي أهتمامك بيهم ومعفتكم أخبار بعض من بوست والا مشاركة بصورة لا التكنولوجيا اتعملت لنستخدمها فالتطور سواء النفسي أو الشخصي أو العملي لأستخدمات كثيرة لكن مش علشان نبعد عن الأهل

المغتربين دي وسيلة الاتصال بأهلهم فقط لكن اللي في نفس المكان يعملوا ايه زيارة أو مكالمة
صلة الرحم اللي وصانا بيها الرسول صل الله عليه وسلم




الأنتقاء في الأخلاق والمشاعر خلي كل المجتمع فاسد طيب أصلحي اللي تقدري عليه بنفسك لازم نبدأ بنفسنا في كل شئ

علمي أولادك الكلمة الطيبة صدقة يتعاملوا بيها مه أهلهم وجيرانهم بشوف أمهات لو أطفال حصلت بينهم مشكلة
اضربه زي مضربك انتي راضية عن الاسلوب ده لا ممكن تبدليها ابعد عنه وربنا يسامحه






كنا بنقولها زمان وبنروح نقول لوالدته ابنك فعل وفعل وخلاص متغيروش مبدائكم وأخلاقكم اللي بنسمعه في كل مكان حوالينا أصبح لا يطاق وبقي استخدامه فالمزح كمان

كنا بنقول بنقلد الغرب وهما كده طيب عالأقل اقتدوا بالأنبياء والصالحين



وبالنسبة للستات الغيبة والنميمة هواية عندهم من الكبائر للأسف ياريتك بتتصلي بصحبتك تحكي موقف أو مشكلة وتقولي الاسباب لا بتنتهكوا خصوصيات اللي معاها المشكلة

في فرق كبير لازم تعلميه لاولادك بين الحرام والحلال ولا يجوز ولا يصح والعيب

لأن أنتي لو مش مثقفة ولا فاهمة هتحكي ايه لأولادك مش هتعرفي تفيديهم  هما ما شاء الله عنهم قدرة تستوعب كويس جدا




بس تخيلي سئلك سؤال ومعرفتيش تجاوبي اتعلمي علشان تعرفي تفيدي وتستفيدي أهمالك لابنك وبنتك فالنادي واختلاطهم بالأصدقاء هل انتي علي دراية بمين أصحابهم وبيعملوا ايه وبيفكروا ازاي

متخليش حاجه تشغلك لان البيت السليم اللي بيخرج منه تنشئة اسرية سليمة مبيعرفوش يخطئوا بره البيت

علموا أولادكم الصلاة الصوم والزكاة والصدقة والأستغفار والعمل والأخلاق والأخلاص
أزرعوا جواهم أمل لرضي ربنا ولمستقبل مشرق مهما كان اللي بنمر بيه حاليا
من ظروف سياسية أو اقتصادية فبلاش نخسر ديننا وأخلاقنا




وده كان أساس قضيتنا الأخلاق والصدق فالتعامل بيريح قلوب ناس كتيرة جدا

مشاكلنا فالمجتمع أصبحت لا تطاق حقيقي كل يوم بقرأ مصائب وليست مشاكل عادية بسبب بنت أو شابة او زوج او زوجة ليه وصلنا لكده ليه مبقناش نزرع فيهم الوازع الديني علشان لما يكبروا ويدرسوا ويتخرجوا ويتزوجوا ميعملوش  الغلط

لازم نتعلم نرتقي بأخلاقنا ونستفيد بعلمنا ونفيد مجتمعنا نحاول وننفذ مش بالكلام لا بالفعل

بلاش الفساد اللي بننشره لازم نصلح أخطائنا علشان ننول رضا ربنا سبحانه وتعالي
ويرحمنا برحمته الواسعة




وأدعو الله أن ييسر أموركم ويجعلني وياكم من المبشرين بالجنة

ويهدي أولادنا ويحفظنا جميعا بحفظه يارب






بتمني أكون أفادتكم بالمقال ومنتظرة ردودكم ومشاركتكم بالحلول المناسبة
ربما نقدر نحل مشاكل المجتمع هدوء وحكمة معا





دعواتكم لي

تحياتي للجميع



الرجوع الى أعلى الصفحة اذهب الى الأسفل
http://her-majesty.own0.com
 
❀القضية الأولي قضية رأي عام ( الأخلاق)❀
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي نسائي ثقافي أجتماعي للمرأة العصرية :: الركن الأجتماعي :: قضايا المجتمع-
انتقل الى: