منتدي نسائي ثقافي أجتماعي للمرأة العصرية
اهـلا ومرحبا بـك يـا زائر في مـنـتـدي صاحبة الجلاله

نرجو أن تحترم القوانين وتذكري و أنتبهي اختي الفاضلة

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

أشتركي معنا وأنضمي لأسرتك الثانية


 
الرئيسيةالرئيسية  البوابةالبوابة  اليوميةاليومية  الأحداثالأحداث  س .و .جس .و .ج  بحـثبحـث  التسجيلالتسجيل  دخولدخول  
بحـث
 
 

نتائج البحث
 

 


Rechercher بحث متقدم
المواضيع الأخيرة
.: عداد زوار المنتدى:.
لغة المنتدي

شاطر | 
 

 وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
صاحبة الجلاله
مديرة ومؤسسة المنتدي
مديرة ومؤسسة المنتدي
avatar

المشاركات : 2543
تاريخ التسجيل : 15/11/2009

مُساهمةموضوع: وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ   24/10/2017, 9:17 pm




وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ




اللهم صل وسلم وبارك علي سيد الخلق اجمعين محمدا صل الله عليه وسلم
أذكروا الله كثير وسبحوه واحمدوه علي نعمه العظيمة




الحياة قصيرة بلا شك فهي رحلة واخرها وداع  من علي الدنيا وانتقالنا لعالم الآخره ليس ببعيد

في زمن الفتن اللي بنعيش فيه كل انسان له مشوار فيها ونهايته عمله لو هتحسني دينك ودنياك في الدنيا هتجازي عنها في الآخره




من الحياة اللي عشتها وشفت فيها الكثير من البشر اللي بتلهيه حياته ودنيته وتجارته وأولاده ونجاحه وغيرها من الامور بينسي بيها آخرته للأسف كلنا عايشين الحياة دي ومفيش حد بيقدر يفهم اننا ممكن نموت ونتركها يوما ما ومش هناخد معانا غير عملنا وبس



حبيبتي كل اللي المفروض نعمله هي نحسن من دنيتا لأجل أخرتنا نصل ونعبد ربنا ونسبحه كثيرا ونحمده علي نعمه اللي انعم بيها علينا وفضلنا بيها علي غيرنا احمد ربي أني مسلمة حمدا كثيرا مباركا واتمني اموت وانا مؤمنة صالحة يغفر لي ولكم يارب

المرء أذا قبلت صلاته قبل سائر عمله واذا بطلت صلاته بطل سائر عمله اول ما يحاسب عليه المرء هو صلاته


صل ولو بعدتي عن ربنا قربي وأستغفري فربك غفور رحيم بعباده متتهاونيش فصلاتك طبعا كلنا بنخطأ ونتهاون للأسف ولكن نبدء من جديد متقوليش ربنا مش هيسامحني بالعكس ربك ممكن يتقبل توبتك وتبقي أفضل ممن غيرك ويارب يحسن ختامنا جميعا يارب أبدئي لو كسلتي يوم وصل لو حسيتي انك مضايقة او فرحانه صل الصلاة خفيفة وبسيطة ومش هتاخد من وقتك لو حسبتي صلاوتك الخمس هتلاقيها مش اكتر من نصف ساعه أو ساعة في 24 ساعه اللي بترفهي فيهم عن نفسك



لما حضرت أخر حالة وفاة كانت عندي أول دعاء كان قبل غسلها وان كانت من المصليين فأغفر لها ونور قبرها أنا سمعت كلمة وان كانت من المصليين حزنت جدا علي يوم تهاونت فيه في صلاتي او صليت بدون خشوع او سرحت فصلاتي وحمدت ربنا ان لسه عايشة علشان اصحح خطئي انا هنا مش بس بتكلم عن نفسي وعن البعض كمان منكم صل وعلمي اولادك واخواتك واهلك الصلاة واصولها دلوقتي كل وسائل العلم متاحة في الانترنيت مش هتحتاجي تتعبي تفقهي وتثقفي في دينك واتعلمي وعلمي وفيدي نفسك وغيرك بفضائل نعم الله علينا التي لا تعد ولا تحصي وجربي كده تصل قيام الليل هترتاحي بجد


كلنا عندنا ابتلاء وكل بيت في مشاكله يعني الأنسان مش خالي منها ولكن علينا بالصلاة والدعاء والأستغفار والصدقة وكل ده سبحان الله نعمة من الله مش هتكلفنا لا هتشتريها ولا هتسافري لها هي متاحة عندك وفي بيتك وفي اي مكان أعملي ورد خاص بيكي لقراءة القرآن وترتيله والأستغفار وحافظي علي الدعاء وخلي الدعاء والاستغفار ملازم ليكي حتي لو انتي فالشارع فالبيت بتطبخي بتغسلي يعني مش هتقولي معنديش وقت ولا مكان



كل انسان فينا بتلهيه دنيته وحياته ولكن علينا بالدعاء اللهم لا تجعل الدنيا اكبر همنا ولا مبلغ علمنا وحصني بيتك واولادك بالرقية الشرعية وأذكار الصباح والمساء وخليني أحكي لكم موقف بخصوص الأذكار ويقيني بالله كبير فالموضوع ده

طبعا أن ليا عادة الله لا يحرمني منها ابدا يارب في ادعية واذكار مهمة جدا بتلازم لكل مكان وموقف فمثلا دعاء السفر كنت فيوم مسافرة والتزمت بالدعاء وزي ماقلت يقيني بالله كبير ان طالما دعيت فربي هيحفظني وسبحان الله تعمل العربية حادثة

وانا الوحيدة اللي نجيت منها فحمدت ربنا كتير جدا وتذكرت ان قرات دعاء السفر فربنا حفظني ده يقيني بالله



وهل معني ذلك ان كل الناس اللي بتبتلي مش بتصل ولا تعبد ربنا لا بالعكس بيبتلينا ليختبرنا كان وارد اتصاب زيهم واقول أن قرئت وربي محفظنيش لا أستعيذ بالله من الشيطان الرجيم لو عندك يقين فالله هتقولي اختبار ابتلاني لانه يحبني ويختبر صبري حتي الانبياء أشد ابتلاء من غيرهم

الفكرة من الموضوع ان أنتي بتخلصي النية لله في كل قول وفعل أي شئ بتعمليه وربنا سبحانه وتعالي قادر علي كل شئ أن يرحم بنا ويغفر لنا ومن الأحاديث التي قرئتها عن الأبتلاء




وقال ابن عطية في تفسيره : روي عن علي رضي الله عنه أن النبي صلى الله عليه وسلم قال: " إن الله تعالى أكرم من أن يُثَنِّيَ على عبده العقوبة إذا أصابته في الدنيا مصيبة بما كسبت يداه . رواه أحمد وقال: وقال الحسن : معنى الآية في الحدود: أي ما أصابكم من حد من حدود الله تعالى.. فإنما هي بكسب أيديكم، ويعفو الله سبحانه وتعالى عن كثير، فيستره على العبد حتى لا يحد عليه .
وأما الحديث: فهو حديث صحيح، قال البخاري في صحيحه: باب: أشد الناس بلاء الأنبياء، ثم الأمثل فالأمثل. وفي الترمذي عن سعد بن أبي وقاص قال: قلت: يا رسول الله، أي الناس أشد بلاء؟ قال: الأنبياء، ثم الأمثل فيبتلى الرجل على حسب دينه...
والابتلاء معناه الاختبار والامتحان كما قال تعالى: وَنَبْلُوكُمْ بِالشَّرِّ وَالْخَيْرِ فِتْنَةً [الأنبياء: 35] فالأنبياء هم أكثر ابتلاء واختباراً، وذلك لعلو منزلتهم، وقوة إيمانهم ورفعة مستواهم..



عندنا ذنوب ومعاصي  ياريت نعاقب عليها فالدنيا قبل الآخره دي نعم من ربنا علي ابتلائه لنا فدنيتنا علموا اولادكم الصلاة كل راع مسؤل عن رعيته علموهم اصول دينهم واخلاصهم النية فتعاملاتهم

أستغفرك ربي واتوب إليك من ذنب وفعل وقول لي بالدنيا فأغفر لي فانه لا يغفر الذنوب الا انت سبحانك وحد لا شريك لك ..لا اله الا انت سبحانك اني كنت من الظالمين

[img(450px,100px):dc30][ندعوك للتسجيل في المنتدى أو التعريف بنفسك لمعاينة هذا الرابط]

بصوا حبيباتي كل اللي اقدر اقوله احفظ الله يحفظك وثقي بأن الله عزوجل قادر ان يجعل حياتك أجمل حياة ولكن علينا ان نرضيه فصلاتنا فتعاملاتنا فحسن دعائنا فبرك بوالديكي وصلة رحمك بأن تحاولي تتجنبي غضب ربك



كلنا خطائين ولكن نجتهد فالعبادة وان نصلح من نفسنا بالدنيا ونذكر بعضنا دائما بالدعوة للتقرب إلي الله ونراعي بعضنا ونستر علي أنفسنا وعلي عباد الله ونبطل النميمة والغيبة ونحفظ نفسنا والسنتنا من الخطأ كل واحد عنده خطأ يصلحه يلحق لسه عنده فرصة يكون أنسان جاهز يقابل ربه مفيش حد فينا عارف بكرا هنقدر نكون سوا أو لا بس نقدر نخلي حياتنا ومماتنا ذكري للي حوالينا يدعولنا ويتصدقوا لينا ويتكلموا عنا بالصالح أفضل بكتير لما يقولو علينا كنا خطائيين



دنيتك عشيها وانتي راضيه ربك بعملك وقولك واتقي الله في كل صغيرة وكبيرة في معاملتك لأهلك ولجيران وللبشر أحسني من عملك ومن معيشتك ده مش معناه انك تعيشي عابثة بالعكس هتتقي الله فشغلك ودراستك وحياتك هتكوني مبسوطة هتعملي كل شئ وانتي حاسه ان ربنا شايفك وسامعك هتلاقي نفسك فعلا نقيتي نفسك من الفتن اللهم أن نعوذ بك من فتن الدنيا والآخره تحلي بالصبر فرزقك مكتوب ومحدش هياخده غيرك متستعجليش علي شئ وارضي بقضاء الله وقدره من قلبك بجد هيراضيكي
حبي نفسك وحافظي عليها وحبي اهلك وزوجك واولادك وابتسمي فالبسمة صدقة أحنا ربنا فضلنا عن سائر البشر وثقي فالله وهو خير الحافظين



بادري بقربك إلي الله وأدعي لنفسك ولأحبتك بالهدي والصلاح وانتي بتصل كلمي ربنا وادعيله أن يهديكي

وندعي كلنا ان رب العالمين يعينا علي طاعته وشكره وحسن عبادته  ويجعلنا من الصالحين الخاشعين يارب جميعا

وكل ماتتكاسلي عن الصلاة تذكري ربك يحبك وينتظر منك كل مايقربك له تذكري يوم لا ينفع مال ولا بنون بس عملك




أسأل الله العظيم رب العرش الكريم ان يهدينا ويغفر لنا جميعا ويصلح من حالنا فالدنيا والآخره ويجزي كل نفس بالعمل الصالح ويرزقنا الفردوس الأعلي وييسر امورنا ويفرج كربنا ويهدينا للصراط المستقيم ويجعلنا من الصالحين الخاشعين الحافظين لكتابه

ويستر علينا جميعا ويهدي نفوسنا ويبعد عنا كل مايغضبه وينور ابصارنا جميعا وان يرحمنا جميعا رحمة من عنده ويرزقنا حسن الخاتمة يارب




حاسبوا قبل ان تحاسبوا بمعني حاسبي نفسك واخطائك وألحقي صلحي من نفسك قبل ما يفوت الآوان وأستغفري علي اخطائك وسامحي كل اللي اخطأ في حقك وأحتسبي ربنا يمهل ولا يهمل مش هيضيع حقك لو مظلومة متخافيش ربنا كبير فهو الحنان المنان مش هيتخلي عننا ابدا ثقه فالله وحده


فلا تيأسي حبيبتي وتذكري قوله تعالي:" قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ "



أتقي الله في قولك وعملك وبادري واسرعي إلي الله وطاعته والحمد لله تقدري تعملي خير كتير في السوشيال ميديا انك تذكري صديقاتك بعاء أو بأذكار وتؤجري عليها  نستفيد من التكنولوجيا لصالحنا نقرأ ونتعلم في امور ديننا  نلحق نتوب ونستغفر علي ما فات ونحسن ما هو قادم هتلاقي ربنا فرجها علينا من
أوسع ابواب رحمته ورزقه سبحان الله الموضوع بقي بسيط وسهل جدا





فأن رحمته واسعة أستغفر الله لي ولكم واتمني أن اكون أفادتكم
ولو بمعلومة تكتب لي في ميزان حسناتي يارب
وبتمني اسمع تجاربكم ونستفيد من بعض لعلنا نتعظ جميعا





الله يرضي عني وعنكم حبيباتي يارب

دعوااتكم لي

تحياتي للجميع









الرجوع الى أعلى الصفحة اذهب الى الأسفل
http://her-majesty.own0.com
 
وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي نسائي ثقافي أجتماعي للمرأة العصرية :: الركن الإسلامي :: المنتدي الإسلامي-
انتقل الى: