منتدي نسائي ثقافي أجتماعي للمرأة العصرية
اهـلا ومرحبا بـك يـا زائر في مـنـتـدي صاحبة الجلاله

نرجو أن تحترم القوانين وتذكري و أنتبهي اختي الفاضلة

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

أشتركي معنا وأنضمي لأسرتك الثانية


 
الرئيسيةالرئيسية  البوابةالبوابة  اليوميةاليومية  الأحداثالأحداث  س .و .جس .و .ج  بحـثبحـث  التسجيلالتسجيل  دخولدخول  
بحـث
 
 

نتائج البحث
 

 


Rechercher بحث متقدم
المواضيع الأخيرة
.: عداد زوار المنتدى:.
لغة المنتدي

شاطر | 
 

 هل تستحق لقب عانس؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
صاحبة الجلاله
مديرة ومؤسسة المنتدي
مديرة ومؤسسة المنتدي
avatar

المشاركات : 2553
تاريخ التسجيل : 15/11/2009

مُساهمةموضوع: هل تستحق لقب عانس؟   9/9/2017, 1:25 am



هل تستحق لقب العانس ؟

ما هو لقب العانس في مجتمعنا

اللي تأخرت عن الزواج ده معناه في مجتمعنا

هل بتعاني منه الفتاه؟

نعم بتعاني




تعالي بقي الموضوع طويل والحكاية كبيرة

طبعا البعض منكم عارفني وعارفين مواضيعي


المشكلة عامة علي جميع الدول والمجتمع وخاصة دول العرب مش بس مصر


كل بنت تأخرت عن الزواج أصبحت عانس من اطلق هذا اللقب المجتمع والناس مين هما الناس اللي بنتهم هي العانس سواء بنتهم والا اختهم او قريبتهم بنت عم او خال او جارتهم او صديقتهم المقربة هو ده المجتمع والناس

ليه حكمتوا عليها وحجمتوها في هذا اللقب عارفين كان زمان بيطلقوا عليها اللقب ده لو عندها 20 سنه دلوقتي مش اللي عدت 30 يابنات بالعكس اللي وصلت ل 40 فيما فوق هنا نطلق لقب عانس نظرا لتطور المجتمع

يعني اللي دخلت طب ذنبها نفسها تكون طبيبة بسبب التعليم والماستر مثلا خلاص خدت سنين من عمرها بقت عانس عادي في درس وتزوج وفي لا وللاسف هنا مشكلتنا

كثيرا جدا من الفتيات عدي 30 وبقت المشكلة اخدت لقب عانس سواء متعلمة او لا

يعني بتيجي مشكلة كل بنت انا لسه متجوزتش وأخواتي أو أصحابي أو بنات عمي او خالي تزوجوا وانا لا الجيران بيقولوا عانس صديقتي لما تقابلني بتقولي لسه متجوزتيش وتبكي وتزعل وتبقي مهمومه وفي اللي تقرب لربنا وفي اللي تبكي وتحزن وتسمع اغاني جزينة بالله عليكي ده كلام

وممكن تلجأ لربنا وممكن للاسف تبعد عن ذكر ربها ومنهم اللي تأذي بنفسها او بغرورها او فعلا نصيبها لسه مااخدتوش ومنهم اللي تأذت بسحر او حسد او اللي طموحها رفض كتير وغيرهم كتير نماذج واشكال




صح الظروف السياسية والأقتصادية للبلد اثرت علي بنات كتير وشباب ايضا الحالة الاقتصادية انعدمت فغير قادرين علي فتح بيت او انهم يتجوزوا وبنات تعطلت بسبب الموضوع ده كم سنه هتاثر منعرفش لسه ولكن دي اسباب ودراسة

والبطاله وأنا أتكلمت فيها قبل كده أثرت علي الشباب معظمهم عقلهم فاضي مش هناقشها لانها كتيره مبقاش يفرق معاهم يكافحوا ويشتغلوا فاكرين قبل الثورة كانوا علي الكافيهات وبعدها راحوا فين اللي فعلا وقف للثورة بقلبه ووطنيته والا أتحجج بيها لتضيع الوقت

أثرت فيهم والبنات طبعا أتاثرت وكلام الناس الا هو نميمه اللي مش واخدين بالكم منها ربنا حذرنا منها

مش كل ده وقف في حياة وسيرة بنات صح والا لا

نرجع بقي لمشكلة البنات انتي بتقولي خلاص مبقاش عايزة اسمع حد يصبرني ويقولي نصيبك فين وربنا سيبلك خير وغيره وغيره ايوه ياحبيبتي هما لازم يصبروكي ويقولو ا ليكي كده لان مش بأيديهم شئ لا حول ولا قوة الا بالله العلي العظيم

هو اللي أبتلانا وهو اللي هيفرحنا

خدي ربنا من صفك ودعوة والدتك واهلك واحبائك وفعلا كلامهم صحيح متعرفيش ربنا مخبي ايه لسه اي واحده اتكلمت وضايقتك متعرفيش يمكن نصيبك احلي وافضل من نصيبها يعني بتسمعي واحده تيجي تقولك مستعجله ليه اللي اتجوزوا خدوا ايه دي هرد عليها انا خدتي بيت واولاد واستقرار ياحبيبتي والبنت اللي بتقولي لها كده هي نفسها فالحلال وده مش عيب ولا حرام نفسها تستقر ويبقي لها زوج واولاد

ونماذج كتيرة شفتها بعيني ومشاكل بتوصلني كتير بسبب الموضوع ده

انا مشكلتي مشكلتكم علي فكرة ومع ذلك مش زعلانه وفي مشاكل بتشوفيها تقولي مشكلتك اهون بكتير

كل اللي تعامل معايا هنا عارفين مصداقيتي لو قلتلك انا عندي هم وكرب لا يعلمه الا ربي سبحانه وتعالي ومفيش حد يقدر يتحمله مش هتصدقي ومع ذلك انا فين وبعمل ايه دلوقتي برضي ربي وعندي اصرار شديد ان هفضل ارضي ربي مهما حصل ليا من كتر الحزن والكرب والابتلاء اللي انا فيه عندي ثقه كبيرة فيه جدا ان ربي هينصرني

حتي لو متزوجتش انا هكمل لان عارفه ان بكرا ربي هيكرمني سواء دنيا او اخره يعني حتي لو متزوجتش هموت بالعكس بس المهم هقضي حياتي في ايه في رضا ربي وافيد الناس واسعد نفسي بقناعتي ورضا نفسي واخدم والدي المسنين ومش هيأس تعرفي تعملي زيي



أو أحسن مني لو بتشتغلي اشتغلي وكملي شغلك ولو بتدرسي أدرسي


احنا فعلا منعرفش الغيب في ايه لا يعلم بالغيب الا الله سبحانه وتعالي فينا اللي هتتجوز وفينا اللي ربنا هيكرمها وتعيش حياة فاضلة وفينا اللي هتسافر وفينا اللي هتراعي والديها وفينا اللي هتكمل مستقبلها بايديها وفينا اللي هتموت مش بخليكي تخافي بس اعذروني انا واقعية يعني لا نعلم الغد فيه ايه ماعلينا اننا نعمل اللي نقدر عليه

نصلي وندعي كتير اووووووووووووي ونستغفر كثير جدا ومش هنيأس سنه او اتنيني او عشرة بس ربي يرضي عني ده المهم

الشيطان اه منه هو اللي بيكبر الصغيرة ويألمنا ويعذبنا واحنا بشر مش هنخليه يعمل كده لما بتقعدي تفكري مع نفسك وتقولي انا لسه زي مانا معملتش شئ وغيره وغيره انا حاسة بيكي بس الشيطان الرجيم اللعين عايزنا كده مهمومين

اللهم آيسه منا كما ايسته من رحمتك يارب ونخليه هو اللي يياس منا اتوضي وصلي واقرئي قرآن خليه

يفر هاربا منك وتقربي لربنا اكتر مش هقدر اواسي حزنك وألمك بس اقدر أخفف شويا عنك متعرفيش بكره فيه ايه

وفي كتير اتجوزوا وكانوا في نفس عمرك يعني بعد 30 وشوفيهم دلوقتي بيتذكروا الايام دي وقد ايه ربنا فرجها عليهم

صدقيني شفتي اللي اتجوزوا فرحانين الله اعلم ببيتهم في ايه مشاكل زوجيه لا تعد ولا تحصي االي خلاف مع زوجها واللي اتطلقت واللي جوزها خانها واللي اولادها فشلوا واللي اتجوزت وفرحتها انكسرت بعدم الانجاب او تاخر انجابها


شفتي بقي مليون مشكلة عند كل واحده ممكن تتجوزي واحد وميطلعش صالح او متخلفيش او مشاكل او تحسدي عليه وحياتك تبقي نكد وممكن العكس واحده صبرت ونالت زوج صالح تقي واتجوزت بدري وماله

وانا بتمني يارب ان امه محمدا جميعا ربنا يلم شملهم ويجمعهم مع ازواجهم علي الخير والحب ومتحصلش مشكلة ابدا لاي حد متزوجين او لا ويسعدوا باولادهم امين يارب

لان اللي شاف الحزن والهم وجربه بيحس بكل الناس وانا اكتر واحده مبتليه وبحمد ربنا علي نعمته

ابتليت في كل ماتتخيليه في حياتي ومستقبلي وصحتي وابتليت في من احببت ماهو الحب ابتلاء

فاصبري صبرا جميلا وستنولي مرادك في كل شئ مش هنقول امتي وازاي بس وحده ربي اللي يعلم

ونتكلم عن الفتوكات اللي بتعاير بتعايري مين انتي بالله عليكي مش عارفه ان كما تدين تدان فاختك والا بنتك
هتقولي ماليش اخوات وخلفتي ولاد هقولك في اولاد ابنك او لاد اخوكي في مستقبلك في حياتك الشخصية وفي اولادك
اللي بتعمل كده تراعي ربنا ومتجرحش وتكسر خاطر حد ربنا موجود قادر زي ماكسرتيها يعمل كده فيكي هتتحملي وقتها طبعا لا مش هتتحملي هتتتذكري انك اذيتي قلب بنت وكسرتيه ممكن تفتكري وممكن لا

بس مش هقولك غير راجعي نفسك وبدل ماتقولي ياه دي مش بتتزوج وموقوف حالها وماله ياحبيبتي هتقولي عليها مبتليه لا لا بلاش منها ده ربنا حبها وماله اكرمها وابتلاها هتتمني يوم لو ربنا ابتلاكي فالدنيا

علشان يخفف ذنبك فبلاش نجرح ودايما نحافظ علي كشاعر بعض اللي يقول كلمة وحشه ممكن يقول كلمه احلي منها لو شفتي واحده مكروبه ادعيلها من قلبك مش كلمه بتتكتب ولا بتطلع منك وخلاص انطقيها بقلبك علشان تلاقي فيوم اللي يدعيلك من قلبه او عن ظهر قلب

هرجع تاني للبنات اللي زعلانه ومجروحه هقولك تعالي نصلي ونلتزم بصلاتنا ونقرأ قرآن ونستغفر وندعي من قلوبنا واحنا مجروحين واحنا فرحانين هندعي ونقرب لربنا يمكن اختبار من ربنا يشوف هتستغلي وقت فراغك فذكره او لا

كل ماتضيق عليكي هتفرج وهنفرح ونذكر الله كثيرا كل ما ضاقت بينا النفوس

الا بذكر الله تطمئن القلوب




وجربي كده تعملي وقت مخصص ليكي ساعه أو ساعتين وتقرئي سورة البقرة يوميا بنية الزواج استمري اسبوع وشويا شويا هتلاقي نفسك بتقرئيها بس متقوليش انا عملتها اسبوع ولسه مفيش نتيجه

ليه هو مستني وراء الباب

انتي بتعملي اللي عليكي وبتتوكلي علي الله

وبتذكري الله وتصدقي الصدقة تطفئ غضب الرب وصدقيني الاستغفار والصدقة فوائدهم رهيبة في كل شئ

الدعوه اللي بندعيها اللي بتقولي انا بتستجاب مني مين قالك هو في عيد بيرفع ايده لربنا وربنا مش بيستجاب لا ابدا

بس ربما كان نازل ابتلاء والدعاء تصارع معاه فالسماء فبدعائك منزلش الابتلاء

شفتي انا بدعي كتير وهفضل ادعي وعندي امل فربي وعندي امل ان المستحيل يبقي حقيقة وواقع

خلاص انا تعبت من الكتابه بس متعبتش من ان اقولك اصبري

ان الله مع الصابرين

وفرحي نفسك واقتنعي بما لديكي رضا النفس والقناعه كنز يابنات

انا بكيت علي حالي قبلك بس الحمد لله رضيت باللي كتبه ليا ربنا ولسه بطلب وهطلب من ربنا اكتر

يبقي من انهارده مش عايزة بنت تكتب في موضوع هنا عانس وماعانس انسي لان ربنا موجود

اعملي اللي تقدي عليه واسعي فالرزق والزواج لا عيب ولا حرام المهم منغضبش ربنا ولا نفرح الشيطان فينا حالال قوليله هغلبك وانتصر عليك ان الله معنا


في نهاية الموضوع بتمني من كل واحده متجرحش اختها في الاسلام والبنات بلاش تتأثر وتفكر ربنا خلقها ليه اكيد لاهداف تعملها تانيه اعملي اي شئ يشغلك علشان متتعبيش نفسيا واذكري الله

الموضوع ده عايزاه فعلا الكل يشارك فيه ولو بنت كتبت كلمع عانس في موضوع ارسلوا لها اللينك وخليها تكلمني وانتوا ساعدوني نصبر الجميع ونقف جنب بعض ونساند بعض بجد كلنا عندنا هموما

مش عايزة اشوف كلمة عانس تاني عايزة البديل تأخرت عن الزواج مقبوله شويا
ومش عايزة دموع تاني عايزة ثقة بالله وحده مفيش انسان فالدنيا يقدر يعمل شئ فالموضوع ده الا ربنا وحده هناخد بالاسباب ورب العباد موجود


وبدعو الله الرحمن الرحيم ان يرحم بحالنا جميعا ويوفقنا لما يحب ويرضي ويرزق بنات امه محمدا بالزوج الصالح التقي عاجلا غير اجل يارب وتقر عينها وتيسر امورنا وتفرح قلوبنا جميعا


بتمني من ربنا التوفيق الجميع

دعواتكم لي من قلوبكم

تقييمك يهمني

تحياتي للجميع













الرجوع الى أعلى الصفحة اذهب الى الأسفل
http://her-majesty.own0.com
 
هل تستحق لقب عانس؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي نسائي ثقافي أجتماعي للمرأة العصرية :: الركن الأجتماعي :: قضايا المجتمع-
انتقل الى: