منتدي نسائي ثقافي أجتماعي للمرأة العصرية
اهـلا ومرحبا بـك يـا زائر في مـنـتـدي صاحبة الجلاله

نرجو أن تحترم القوانين وتذكري و أنتبهي اختي الفاضلة

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

أشتركي معنا وأنضمي لأسرتك الثانية


 
الرئيسيةالرئيسية  البوابةالبوابة  اليوميةاليومية  الأحداثالأحداث  س .و .جس .و .ج  بحـثبحـث  التسجيلالتسجيل  دخولدخول  
بحـث
 
 

نتائج البحث
 

 


Rechercher بحث متقدم
المواضيع الأخيرة
.: عداد زوار المنتدى:.
لغة المنتدي

شاطر | 
 

 ❀القضية الثانية قضية رأي عام ( الفساد )❀

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
صاحبة الجلاله
مديرة ومؤسسة المنتدي
مديرة ومؤسسة المنتدي
avatar

المشاركات : 2553
تاريخ التسجيل : 15/11/2009

مُساهمةموضوع: ❀القضية الثانية قضية رأي عام ( الفساد )❀   8/9/2017, 12:49 am







مع حلقات قضايا المجتمع
القضية الثانية
❀ قضية رأي عام ( الفساد) ❀














قضيتنا اليوم القضية الفساد المجتمعي


الفساد أنواع فساد الضمير والفساد الأخلاقي وتكلمت عنه قبل كده وفساد العقول والفساد المجتمعي وبتشبه في امثال موجودة بالفعل في أفراد مجتمعنا مهما كانت مكانتهم وظروفهم وتواجدهم بعدة مجالات
والنماذج دي موجودة بالفعل في بعض البيوت وهنبدأ نصلح المجتمع من خلالها هي مسؤلية كبيرة
وإن شاء الله نكون قدها لنقضي علي الفساد





ونستكمل قضايا رأي عام بقضية جديدة ظاهرة الفساد  ظهرت ظاهرة الفساد من آلاف السنين ومن خلالها بدات انتشار قضايا أكثر أجراما تحت مسمي الفساد الوظيفي وفساد الضمير والعقول

أبتداءا من درج موظف الحكومة إلي أخلاقنا ومبادئنا اللي أصبحت تحت مسمي عادي كله بيعمل كده هي جت عليا  للأسف اذا واجهنا الخطأ وهذه الظاهرة تلاقي أجابتهم واحدة مفيش ضمير مفيش أخلاق وفساد عام بكل المجتمع أتكلمنا كتير وقلنا كل أنسان لو اجتهد فعمله هيوصل مهما كانت طغاة البشرية فأن الله هيكون ناصر الناجح واللي بيملك ضمير فقلبه وعقله وعمله ولكل مجتهد نصيب

الفساد اللي بدأ فالضمير مبيتعبش قلوبهم لأن الناس دي مش عايشة هي معمي علي قلوبهم من ذنوبهم أكيد وفي غفلة بيدمروا ويفسدوا كل شئ بالمجتمع علي حساب غيرهم ونبدأ






الطالب اللي نجح بالغش والموظف اللي تعين بالواسطة والترقية اللي جت لقريب المدير والرشوة للي عايز يخلص مصلحة كل ده كنا بنسمعه زمان زاد عليه حاليا الأدوية الفاسدة لطبيب محتال والأغذية المنتهي صلاحيتها لتاجر ليس بقلبه رحمة بالبشر

واللحوم التي حرم الله أكلها بقت بتدخل في قضايا الفساد المنتشرة حاليا وفساد قلوبهم وعقولهم بتجارة اعضاء البشر وسرقة حقوق الغير من الشعب كل انسان مسؤل عن خطأه صحيح ولكن مسؤل ايضا عن أسرته وافراد عائلته ومجتمعه (كل راع مسؤل عن رعيته)





هي منظومة فساد يانقضي عليها ياتقضي علينا ولازم فعلا نبتدي نتخلص من هذه الظاهرة وكل واحد فينا له دور فالمجتمع يؤديه الموضوع ليس له علاقة بالسياسة ولكن له علاقة بمن يتخذ سياسة عقله ليدق ميزان العقل وتنتهي هذه الظاهرة




نبدأ حبيباتي لو هتبتدي بنفسك هتعلمي ولادك يكون عندهم ضمير ورحمة فالتعامل مع غيرهم مع اخواتهم وأصدقائهم وجيرانهم حتي لو الافراد الثانية سيئة هتعلميهم أخلاقنا وقيمنا وتغرزي بقلوبهم حب الله وتفهميهم الحلال من الحرام حتي لو كانو كبار فالعمر لو لاقيتي أبنك او بنتك فيهم ذرة شر وفساد لازم تصلحيها علشان ميطلعش من بيتك يفسد غيره





لازم تغرزي فيهم شئ مهم جدا القناعة بكل ما يملكوه من غني او فقر وتعليمهم يوصلوا لاهدافهم وطموحهم بالخير وبعقلهم وبعملهم الناجح مش علي حساب غيرهم عارفه ان كل ام واب ميتمنوش تكون أولادهم بلا ضمير بس للاسف النماذج المنتشرة دي ناس ولا ناس يعني مش ولاد كائنات فضائية ربما طالع لأمه ولابوه فاسد فلازم تصلح من نفسها ليقتدي اولادها منها






مش عيب نعمل توعية العيب نفضل عايشين بأخطائنا علمي ابنك يوصل للمال بمجهوده مش بالسرقة ولو سرق عاقبيه عقاب شرعي علميه ان الانسان خلقه ربنا ليحافظ علي نعمه ولو اتخانق مع صاحبه ميقتلوش ميخانوش وميغدرش بماله وعرضه علميه ان بنات الناس فالشرع زي امه واخته ده مش كلام وبس زي الشباب ما بتترئ وقت ماتسمعه علشان نقضي علي ظاهرة التحرش نبتدي من بيتنا ومن توعية اولادنا لو ابنك او بنتك بتشرب اي نوع من المخدرات عالجيهم علشان منديش فرصة لبائعين السموم ينتشروا ويدمروا صحة ولادنا 





هي قضية كبيرة علشان نقول ان كل انسان سرق او قتل او زني او اغتلس مش لازم يطلع لاهله ده صحيح بس عليكم التوعية والعقاب في هذه الحالة حتي لو هيتقاضي بايدك يكون افضل علشان تكمل مسيرتك اللي هتحاسبي عليها كلنا عارفة ان في ظروف الانسان بيعلق خطأه عليها علشان  يقول انا كنت طماع واغتلست عايز اعيش وموظف يسرق علشان عايز يلبي طلبات بيته او يجوز بنته او قاضي يحكم بقضية لصالح الفساد علشان خايف علي اهل بيته يجرالهم شئ لكن مش خايف من عقاب ربه او يبيعوا اولادنا واعضائهم علشان دكتور فاسد طمع بفلوس اكتر او لانها مربحه بالنسبة ليهم وتجار تباع مخدرات وسموم بهدف الربح علي حساب اولادك علشان مستفيدين شباب عنده بطاله مفيش عمل فيسرق



فينقبض عليه ويضيع مستقبله وتضيع سمعه اهله وحرق قلوبهم وظابط يترقي وخلصت الحكاية بس مش سهلة علي كل ام واب يشوفو اولادهم فحالة زي كده ربما الكل يقراه كتير معندهمش الحمد لله فبيوتهم المشاكل دي ولكن اكيد موجوده فجيرانهم اصحابهم اهلهم زمايلهم بالعمل او بقريتهم او مدينتهم




المهم اكيد بنصادفها وبنلاقيها حوالينا اعملي اللي تقدري عليه متقوليش وانا مالي الساكت عن الحق شيطان اخرس متخافيش ولو مش قادره خالص ادعيلهم بالهداية وحاولي وانتي بتصلحي الافراد دي تكوني قد المسؤلية بجد استري عليه لو نيتهم اصلاح انفسهم متفضحيش حد عايز يتوب ويتراجع عن الخطأ فالعيادة النفسية قريبا هنزل موضوع مفصل ولكن خليني اقول لكم مثال تتعاملو بيه ربما يفيدكم







في شخصية وليكن نقول بتحب تسرق طيب تعملي ايه علشان تعلميها تسرق بدون متقولي انك شوفتيها ببساطة تقعدي تتكلمي عن السرقة وان ربنا حرمها لان مش حلال ولا فلوسنا ولا مجهودنا وتتكلمي وتقرئي لو مش عارفه علشان تنصحيها هتشوفي هي بتستجاب او لا ولو استجابت وحسيتي انها بتاخد منك الكلام وتعقله ومتأثرة اضغطي واستمري عليها بانها

تتوب توبة نصوحة ودائمة مش اي توبة فحالة واحدة ممكن تقوليلها انا شفتك بس الحمد لله مفيش غيري شافك علشان بحبك في الله اتمني متعمليهاش وتعرفيها اضرارها كده ساعدتيها تعالج نفسها وسترتيها مفضحتهاش طيب مره واتنين وتلاته وعشرة وهي لم تستجب ولكن بتاخد من حق ناس مش من حقها تسرقهم تتعالج نفسي ولو هيؤدي بها الي العقوبة حتي لو السجن هي علشان تقضي علي الفساد لازم تكوني قوية من جواكي بانك تعملي ده لله ونصرة الحق





الموضوع صعب ومفاتيحه وعناوينه كتيرة وكبيرة ومهما تكلمنا هتظهر قدامنا الف قضية وقضية للفساد بس بنحاول نحل اللي نقدر عليه من خلال التوعية الاجتماعية والتنشئة الاجتماعية الصحيحة بتمني اكون قدرت افيدكم وافتح عقول ناس محتاجه فعلا تفهم وتتوعي مش عايشة وخلاص وربنا يهدي الجميع وييسر لهم كل عسير ويحفظني ويحفظكم ويحفظ اولادنا واولادكم جميعا يارب حبيباتي






سلسة قضايا رأي عام





بتمني أكون أفادتكم بالمقال ومنتظرة ردودكم ومشاركتكم بالحلول المناسبة
ربما نقدر نحل مشاكل المجتمع هدوء وحكمة معا





دعواتكم لي

تحياتي للجميع










الرجوع الى أعلى الصفحة اذهب الى الأسفل
http://her-majesty.own0.com
 
❀القضية الثانية قضية رأي عام ( الفساد )❀
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي نسائي ثقافي أجتماعي للمرأة العصرية :: الركن الأجتماعي :: قضايا المجتمع-
انتقل الى: