منتدي نسائي ثقافي أجتماعي للمرأة العصرية
اهـلا ومرحبا بـك يـا زائر في مـنـتـدي صاحبة الجلاله

نرجو أن تحترم القوانين وتذكري و أنتبهي اختي الفاضلة

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

أشتركي معنا وأنضمي لأسرتك الثانية


 
الرئيسيةالرئيسية  البوابةالبوابة  اليوميةاليومية  الأحداثالأحداث  س .و .جس .و .ج  بحـثبحـث  التسجيلالتسجيل  دخولدخول  
بحـث
 
 

نتائج البحث
 

 


Rechercher بحث متقدم
المواضيع الأخيرة
.: عداد زوار المنتدى:.
لغة المنتدي

شاطر | 
 

 أراء وتساؤلات تفيد كل مخطوبة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
صاحبة الجلاله
مديرة ومؤسسة المنتدي
مديرة ومؤسسة المنتدي
avatar

المشاركات : 2553
تاريخ التسجيل : 15/11/2009

مُساهمةموضوع: أراء وتساؤلات تفيد كل مخطوبة   8/8/2017, 7:31 pm







أراء وتساؤلات تفيد كل مخطوبة



الموضوع خاص لكل فتوكة مخطوبة

أحب أتكلم معاكم في بعض النقاط المهمة بفترة الخطوبة

كتير بشوف مشاكل وتساؤلات خاصة من خلال هذه الفترة وفعلا أنا عملت دورة واحده ولكن أنتم محتاجين العديد من الدورات

موضوعنا هيكون شامل في بعض النقاط اللي دائما أشوف أسئلة تحيركم فيها





السؤال الأول

خطيبي مانعني أخرج الا لو أخدت الأذن منه ولو عرف بيعمل مشاكل معايا ؟

أولا أحب أعرفك شئ مهم طالما أنتي في بيت أهلك ممنوع أنه يتحكم فيكي أحترميه من حقه لكن مش من حقه يتحكم فيكي لأنك مازلتي بحكم والدك وأهلك وده حقهم فقط وقت ماتنتقلي لبيت الزوجية

وقتها فعلا من حقه تخرجي تدخلي بميعاد وبعلمه

هتقولي بيزعل ومبيردش ومبيتصلش هقولك غلط تماما أنه يتحكم فيكي ودايما أسمع كلمه بيقولي لو منفذتيش كلامي دلوقتي ش هتنفذيه بعيدن لازم يكون ردك مقنع

أنا بحترم ذاتي وأهلي ومن حقهم فقط أن أطيعهم وأنفذ كلامهم ووقت ما أكون زوجتك من حقك تتحكم في كل شئ يخصني وليك عليا السمع والطاعة

شوفي يزعل يعمل مشكلة تجنبي تماما رد فعله وده الصح وهقنعك أنه الصح

أنتي مخطوبة وربنا يتمم لكل المخطوبات بالخير ويتزوجوا علي خير ولكن لقدر الله لو الخطوبة لم تكتمل أو مفيش نصيب للزواج وطبعا أنتوا عارفين الموضوع ده بيتكرر كتير جدا لو اتنين مالهمش نصيب مع بعض يكملوا لمجرد سبب

وقتها هتعرفي أنه فعلا مش صح يمشي كلامه ومن حق اهلك فقط التحكم وحرية التصرف معاكي ومتسلبيش حقوق والديكي وأهلك طالما مازالتي في بيتهم

ومش معني كلامي أنك متسمعيش كلامه لا يعني نفذي الصح منه ممكن يطلب متتأخريش أو النصائح العادية وطبيعي أنتي بتحاولي تعملي الصح واللي يليق بشخصيتك وكرامتك


يارب تكوني أقتنعنتي برد سؤالي وده فالإسلام وفالحياة العامة ربنا أمرنا بكده لانه مازال أجنبي أو غريب عنك




السؤال الثاني

خطيبي بيطلب مني ألبس ملابس معينه أو محتشمه؟

مش خطيبك اللي بيطلب ده ربنا أمرنا بكده سبحانه وتعالي

قال الله تعالي: بسم الله الرحمن الرحيم

‏يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ ذَلِكَ أَدْنَى أَنْ يُعْرَفْنَ فَلَا يُؤْذَيْنَ وَكَانَ اللَّهُ غَفُورًا رَحِيمًا(59)﴾. ( سورة الأحزاب).


يعني الملابس المحتشمة مش محتاجه تتكلمي فيها وتسمعي رأي خطيبك فقط

اذا ملابسك سواء محجبة أو لا

مش هتناقش بملابس الغير محجبة ولا المحجبة ولكن هتناقش في موضوع أنه بيطلب منك تحتشمي هنا فيه فرقعن السؤال الأول يعني هو لما بيطلب منك ماتبديش بزينتك او تظهري ملابسك بشكل ضيق أو فيه تلفتي النظر

هو صح فعلا هتسمعي كلامه فالموضوع ده لأكتر من سبب ربنا سبحانه وتعالي أمرك بده ثم أنتي كمان محتاجه تصوني نفسك في أيام الفتن اللي حوالينا عافانا الله منها

والطبيعي اللي بسمعه أن البنات بتبقي عادي في ملابسها وبعد الخطوبة بتحاول تهتم بمشاغلها أكثر من أنها تلفت النظر هتلفتي نظر مين أنتي مخطوبة وخلاص هتتجوزي أصبح هتلبسي كل شئ لزوجك إن شاء الله

بعد الجواز ألبسي اللي نفسك فيه فبيتك مفيش مشكلة ولكن عليكي تحترمي ذاتك ثم رأي خطيبك اللي هيكون زوج فيوم ويتمني يشوفك بأفضل صورة الا لو كان ليكي رأي مختلف تقولي مش هيتحكم فيا

لا طبعا من حقه متظهريش أمام الأخرين بهذه الملابس وده المفروض تعمليه من نفسك



السؤال الثالث

خطيبي مشغول ولم يتصل بأستمرار أو مش بنخرج كتير؟

موضوع الأتصال الخروج فالشرع والدين وهو مازال خطيبك يعني غريب عنك غلط


وعلشان تعرفي أن الدين الإسلامي فعلا حافظ علي كرامة المرأة
يعني ربنا سبحانه وتعالي بيخشي علينا من الفتن وأحنا برنوح نقدم نفسنا لها


أنه يتصل يسأل بيكي ويهتم ويناقش مواضيع الزواج والمسؤليات وتنظيم عش الزوجية لا بأس

اتكملي وناقشي وله زيارة محددة ولكن في وجود محرم وده حقك أنك فعلا محتاجه تتكلمي فالامور اللي تخص

تنظيم مستقبلك وحياتك ولكن المكالمات الرومانسية للغاية بقصد بيها اللي بتوصل لتجاوزات منصحكيش حتي لو بتحبيه

يعني خلي المكالمات لطيفة وفيها مضمون ده أفضل ليكي ولسمعتك ولاحترامك أمامه يعني اذا اكتملت الخطوبة بالزواج هتلاقيه بعد الزواج يصونك لانك ظهرتي له الجانب ده من قبل الزواج ولكن لو لقدر الله متمش الخطوبة للزواج هتبقي بنظره ايه وايه طبيعة كلامه من وراكي وانتي قدام نفسك هتفكري ازاي؟

أصبح وقت مايتصل نهتم بمضمون رساله المكالمة واذا هو مشغول نعذره مفيش مشكلة ودايما خلي اكتر اتصالك بأهله علشان تتعرفي عليهم اكتر وتقريي لهم

نرجع لنقطة الخروج يعني اذا متعودين تخرجوا مع محرم ليكي سواء كانت زيارة أو نزهه او للشوبنج

فده أكيد بوقت يسمح ليكي وله فالوقت اللي بتحددوه مع الأهل

لكن تقولي أنا مليت لانه مش بيخرجني يعني بصرف النظر عن عدم الأمان اللي بنمر فيه حاليا لكن مهما كان ثقتك فيه

هتوصل لاي مدي أنتي مش عارفه ودايما يكون فبالك الله أعلم الخطوبة هتوصل لفين

في خطوبة بتطول وأتكلمت فيها من قبل فدورة المخطوبات وأنا لا أفضلها ولكن احيانا بيكون لها أسباب مادية

فياريت أنك متزعجيش خطيبك بالأتصالات وبموضوع الخروج لانه مش صح وخلي امورك تمشي بهدوء وتكوني رزينة

في بنات بتخرج مع خطيبها من غير ما الاهل يعرفوا تراجعي تماما عن الموضوع ه علشان يثق فيكي بعد الزواج



السؤال الرابع

خطيبي مش مهتم بأهلي او بيقول أنا مش بهتم بأهله؟

أولا لازم يحترم أهلك ويقدرهم ويكون جنبهم فالفرح والحزن وده بيبان معدنه من خلال مواقفه تجاهك وتجاه اهلك

واذا الصلة مابينهم أيام الخطوبة مريحة هتفضل كده بعد الزواج بدون مشاكل وانتي كمان عليكي دور مهم تكوني قريبه لأهله وتعرفيهم وتتكلمي مع والدته بأستمرار علشان تقربي لها وتتعرفي علي طبيعة وبيئة اهله وتتواصلوا بشكل صحيح

هتعرفي العادات والتقاليد الخاصة بيهم وكمان علشان تعرفي أكتر عنهم وعن طبيعتهم وتعرفي حماتك من أي نوع

متنسيش هي لها دور قبل وبعد الزواج في حياتك عن طريق أبنها يعني غير مباشر




السؤال الخامس

أهلي طلبوا من خطيبي طلبات معينة ولكن لم يوفي بها؟

قبل الخطوبة بيتفقوا الأهل علي الشروط والمطلبو من كل طرف فيهم والمفروض تعرفي اللي ليكي واللي عليكي وهو وافق علي الشروط من الأول وطبعا أكيد قدرتوا ظروف بعض ولكن في أمور بتحصل معينة مبيقدرش خطيبك يلبي طلبات معينة

طلبتوها منه وممكن يأجلها فترة لظروف مادية مثلا عادي أستحملي وانتظري طالما هينفذها قبل الزواج لكن بعده لا


وياريت اللي بسمع تقول أنا بساعد خطيبي فالجهاز من وراء اهلي بلاش ياحبيبة قلبي لانه متعرفيش هيقدر ده بعدين والا لا

وبعدين في أمور تانيه بتحصل لو حصل انفصال هو بياخدها لانه قدام الجميع هو اللي جايبها وده مش صح

وياريت تسمعي كلام اهلك لانهم شايفين الصح وعايزين يكونوا مطمنين لخطيب بنتهم انه بيقدرها وينفذ طلباتها

طالما طلباتهم مش مبالغين فيها وأحب اقولك الشاري مش بيبيع بيحاول يعمل كل حاجه لانها فبيته مش لحد غريب




السؤال السادس

خطيبي والأنترنيت؟

شوفي هي مشكلة الجميع مش الخطيب بس والزوج كمان

يعني كلميه بهدوء فالأمور اللي بتضايقك واذا هو أقتنع هينفذ وصدقيني لو هو خايف عليكي وعلي زعلك مش هيخونك ولا يعمل شئ يغضب ربنا لكن لو العكس يبقي فكري فموضوع الزواج وأستخيري الله لانه بان من اولها


وأخيرا أحب أقولك أستخيري الله فأمر الزواج قبل أي شئ واذا فيه خير توكلي علي الله

كوني انسانه محترمة لذاتها وكرامتها وشخصيتها وتحترم أهلها وهو هيصونك

بلاش تتعبي نفسك في مشاكل أنتي في غني عنها يعني موضوع الاتفاق والمطلوب منه أتركيه لأهلك هما عارفين مصلحتك وخلي صورتك قدامه دايما محترمة وأنسانه تصلح تكون زوجة

البنت غير الراجل لانه هو بيفكر فعقله الانسانه اللي اخترتها فعلا هتصلح تكون زوجه او لا

يعني لازم تكوني قدامه فعلا مثالية فبعض الأمور وتكوني تقيلة وبتفكري بعقلك وتتجنبي المشاكل

وبتمني من الله سبحانه وتعالي يوفق الجميع ويكتب لكل المخطوبات الزواج ممن اتخطبوا لهم

والله يصلح حالكم جميعا يارب ولا تنسوني من دعائكم






دعواتكم لي

تقييمك يهمني

تحياتي للجميع













الرجوع الى أعلى الصفحة اذهب الى الأسفل
http://her-majesty.own0.com
 
أراء وتساؤلات تفيد كل مخطوبة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي نسائي ثقافي أجتماعي للمرأة العصرية :: ركن عالم الأسرة والطفولة :: المخطوبات-
انتقل الى: