نصائح تفيد طفلك
أثناء الدراسة والأختبار
تنظيم ودراسة
لأختبارات طفلك
طبعا معظم الأبناء في مرحلة أختبار حاليا
نصيحتي لكل أم حاولي التركيز علي اوقات المذاكرة يفضل
بعد صلاة الفجر لانها فعلا توقيت مهم جدا للتركيز
ونظمي أختيار لاوقات تانيه بتلاقي طفلك مركز جدا وفي أنتباه دايما
لا تكثري من المنبهات لطفلك ممكن تستبدلي المنبهات
بالعسل الأبيض الشيكولا والمشروبات الدافئة صباحا ومساءا وفي فترة الضهر والعصر يكون مشروب فريش طبيعي
وياريت كل فتوكة تحاول تعمل لكل ساعتين مذاكرة ساعة أستراحة
علشان متضغطيش علي طفلك في المذاكرة بزيادة
يعني لو هو هيحفظ خليه يحفظ لمده ساعه والساعة التانية يفهم هو ذاكر ايه وفي وقت استراحة هتلاقي عقله بيتنشط ويرجع تاني يذاكر
ولما بيرجع بيحاول يذاكر اللي بعده فبيكون فاكر الدروس الأولي
وحاولي تعملي جدول منظم يفيده للدراسة علي حسب مزاج طفلك وطريقة أستيعابه
الطفل العنيد في الدراسة حاولي تفهميه أهمية الاختبار والمستقبل
بأفكار هو يقدر يستوعبها بأنها تحقيق للأحلام وفيها حوافز وتشجيع ووعد بهدية النجاح
ولا تنسي تحققي مطلبه وهديته عند النجاح لانه حافز للعام المقبل
قبل أي شئ عليكي بالدعاء لأولادك بالنجاح والتوفيق
ثم كل المطلوب منك فالبيت
نصائح لدراسة طفلك
أولا: تهيئي لطفلك الجو والأستعداد النفسي قبل البدء بالدراسة
ثانيا: خلق بيئة جيدة ومريحة وهادئة أثناء الدراسة
ثالثا : الصبر فالتعامل أثناء الدراسة
رابعا: التشجيع بالكلمات والأفعال حاولي تشجعيه وتحفزيه وتغيري طرق الدراسة التقليدية
وأمنعي انك تقول مهما عملت أبني لم يستجب أو مش مركز أو فاشل او غيره استبدليها بالمدح
خامسا: جدول وخطة للدراسة منظمة علي التوقيت اللي هيناسبك مع أولادك
سادسا: حاولي تركزي فالدراسة مع أولادك أثناء الأختبارات وتمنعي عن قبول زيارات شخصية أو ذهابك لأماكن أخري أو أنشغالك عن اولادك
سابعا: نظمي توقيت للدراسة أمتي يبدأ وأمتي ينهي دراسته ومدي أستيعابه كل ساعتين
ثامنا: وقت أستراحة الطفل ممكن ينشغل بالطعام واللعب وخاصة بألعاب خفيفة قليل من ألعاب التفكير العميق
حتي لا يهتم بعدم حل لعبته ويهمل دراسته ممكن ألعاب ذكاء خفيفة وسهلة
تاسعا: حاولي تهتمي بأنك تساعديه يذاكر بنفسه لكن كوني رقيبة حتي لا يلتهي عن دراسته
عاشرا: حوالي تغيير ساعة من المذاكرة باليوم بطريقة الدراسة النشطة بالأفكار والمرح
وبتمني انك تتفهمي تقدري تساعدي أولادك بأسلوب سهل يقدروا يتفهموه ويركزوا في دراستهم
وتابعي مواضيعي وهتتفهمي طفلك بشكل أكبر وأسهل وساعدي طفلك
وبتمني من الله عزوجل النجاح و التوفيق لأبنائنا جميعا
دعواتكم لي
تقييمك يهمني
تحياتي للجميع