منتدي نسائي ثقافي أجتماعي للمرأة العصرية
اهـلا ومرحبا بـك يـا زائر في مـنـتـدي صاحبة الجلاله

نرجو أن تحترم القوانين وتذكري و أنتبهي اختي الفاضلة

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

أشتركي معنا وأنضمي لأسرتك الثانية


 
الرئيسيةالرئيسية  البوابةالبوابة  اليوميةاليومية  الأحداثالأحداث  س .و .جس .و .ج  بحـثبحـث  التسجيلالتسجيل  دخولدخول  
بحـث
 
 

نتائج البحث
 

 


Rechercher بحث متقدم
المواضيع الأخيرة
» رقة عبايتي
أمس في 11:33 pm من طرف صاحبة الجلاله

» عبايات أستقبال
أمس في 11:31 pm من طرف صاحبة الجلاله

» عبايتي أحلي
أمس في 11:29 pm من طرف صاحبة الجلاله

» جمال المرءه بحجابها
أمس في 11:24 pm من طرف صاحبة الجلاله

» أناقة المحجبة
أمس في 11:23 pm من طرف صاحبة الجلاله

» جمالك بحجابكـ
أمس في 11:21 pm من طرف صاحبة الجلاله

» ألوان سكارفي
أمس في 11:16 pm من طرف صاحبة الجلاله

» Indian Scarf
أمس في 11:14 pm من طرف صاحبة الجلاله

» أناقة نظارتي
أمس في 11:10 pm من طرف صاحبة الجلاله

.: عداد زوار المنتدى:.
لغة المنتدي

شاطر | 
 

 العلاج الذاتي لصفاء الذهن علي طريقتي الخاصة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
صاحبة الجلاله
مديرة ومؤسسة المنتدي
مديرة ومؤسسة المنتدي
avatar

المشاركات : 2527
تاريخ التسجيل : 15/11/2009

مُساهمةموضوع: العلاج الذاتي لصفاء الذهن علي طريقتي الخاصة   8/8/2017, 6:52 pm





العلاج الذاتي

للضغوط النفسية وصفاء الذهن





علي طريقتي الخاصة






العلاج الذاتي لصفاء الذهن

كتير مننا بيمر بمشاكل وضغط نفسي وقلق

وتوتر من منغصات الحياة اليومية

بتقابلنا العديد من المشاكل المحتملة والغير محتملة وكلها بتضغط علي أعصابنا وأحيانا

بنصيب ببعض الامراض بسبب تلك المشاكل والخلافات اليومية في حياتنا

ولكن مع كل داء له دواء بمجرد ماحليتي مشكلتك وفكرتي فيها بعقل وتروي الأمور بتهدي تلقائيا

وبتلاقي نفسك الحال تحسن ووضعك أهدي وأنتبهتي تاني لحياتك الطبيعية ولكن للاسف مش بتنتبهي أن في

مشاكل أثرت عليكي نفسيا وصحيا أثناء وبعد المشكلة والدليل علي ذلك لو مريتي بمرض نفسي أو عضوي بسبب

مشكلة ما في ناس قدرة تحملها علي الغضب والمشاكل كبيرة جدا وصبورة وبتقدر تحل مشكلتها بعقل وحكمة

وفي مش بتقدر تستوعب المشكلة ولا حلها ولا بتسيطر علي نفسها وممكن تتعصب وتتخنق وبالتالي بيحدث معاها أزمات وأمراض هي في غني عنها لو كانت بتعرف تتقبل المشكلة بهدوء

يعني في أختلاف كبير بين الفرد والأخر وطبعا مش كل مشكلة بتتحل بنفس الطريقة لازم بنحلها علي حسب أسبابها وحجمها ومدي أهميتها وخطورتها وفالأخر هتتحل إن شاء الله

نشوف ايه اللي حصل بعد المشكلة هتلاقي ناس تعرضت لأزمات صحية كبيرة مثل امراض القلب غيرها

طبعا تعدد الأسباب وفي ناس بتمر بأزمات نفسية كالأكتئاب والقلق النفسي







هل نقدر نتغلب علي حل هذه المشكلة ؟


علشان أتغلب علي حل المشكلة لازم أعرف أسبابها وأفكر فيها بشكل سليم وده مش موضوعي اليوم

لكن موضوعي الأساسي هو طرق العلاج النفسي الذاتي

معناها ان هعالج نفسي بنفسي العلاج ده لو أستمريتي عليه مش محتاجه لا طبيب ولا شئ

فقط هتستعيني بالله وحده وتتوكلي عليه وهو هيدبرلك أمرك إن شاء الله


اللي هكتبه وهقوله علي مسؤليتي الشخصية والطرق مجربة وفعالة وجربتها بنفسي وعلي عدد من اللي أعرفهم من الاصدقاء ومن الفتوكات هنا اللي راسلتني بخصوص مشاكلها

3 خطوات هتعمليها علي طريقتي وجربي وبلغيني فعلا نجحت معاكي او لا ولكن متأكدة انها هتنجح إن شاء الله

لأنها بسيطه جدا وتقدري تعمليها كعلاج ذاتي لصفاء الذهن


والعلاج الذاتي المقصود به هو علاجك بنفسك وبأبسط الطرق





تابعيني

العلاج الذاتي

الطريقة الأولي:









العلاج بالقرآن الكريم
هل في علاج فالدنيا كلها أفضل من العلاج بالقرآن الكريم

طبعا لا الدليل علي ذلك

قول الله سبحانه وتعالي:

بسم الله الرحمن الرحيم

وَنُنَزِّلُ مِنْ الْقُرْآنِ مَا هُوَ شِفَاءٌ وَرَحْمَةٌ لِلْمُؤْمِنِينَ وَلَا يَزِيدُ الظَّالِمِينَ إِلَّا خَسَارًا(82)الإسراء

............

يَاأَيُّهَا النَّاسُ قَدْ جَاءَتْكُمْ مَوْعِظَةٌ مِنْ رَبِّكُمْ وَشِفَاءٌ لِمَا فِي الصُّدُورِ وَهُدًى وَرَحْمَةٌ لِلْمُؤْمِنِينَ(57)التوبة 3.


يعني أفضل طريقة هي تلاوة القرآن الكريم بنية الشفاء هتلاقي فعلا قلبك وصدرك أرتاح وحصل عندك هدوء تماما وأعصابك أصبحت في حالة أسترخاء كبيرة جدا قلبك ملئ بالتفاعل وللحظات هتحسي أن ليه بكبر المشكلة مع أنها صغيرة جدا

طالما ربنا موجود مش لازم تشيلي هم بس قولي ياهم لي رب كبير وتوكلي علي الله وصل وأدعي وأستغفري وأقرئي القرآن الكريم

دي اول طريقة من طرق العلاج الذاتي اللي تقدري تعالجي نفس وقلبك بها
ومش محتاجة غير أنك فعلا تكوني من نويتي أنك هتعالجي نفسك مع سماع الرقية الشرعية وسرة البقرة لو مش هتقدري تقريها

هتلاقي فرق كبير أصل المشاكل بيكون حاضر فيها الشيطان والعياذ بالله منه لا قوليله انا همشيك من البيت ومش هخليك تأثر عليا بالمشاكل بيني وبين الطرف اللي معاه المشكلة وأبتدي فعلا تستعدي وتسترجعي المشكلة لحلها





الطريقة الثانية




من طرقي الخاصة وواثقة انك هتدعيلي بعدها في العلاج النفسي وخاصة العلاج الذاتي
الطبيعة سبحان الخالق المبدع

ربنا سبحانه وتعالي خلق الطبيعة ومن حقنا نستمتع بها ليس فقط بالربيع ولكن بفصول السنة الاربعة


حاليا لو أنتي متوترة او بتمري بازمة ما وعندك ضغوط البيت والاولاد ا الزوج والدراسة والعمل والعائلة

الضغوط اليومية عموما مش شرط علشان احل المشكلة لازم يكون عندي توتر ليه محاولش أهدي نفس الأول علشان أفكر بطريقة صحيحة


الطريقة بسيطة مش هتاخد من غير من نصف ساعة إلي ساعة

هتروحي مكان طبيعي جدا سواء في أشجار وورود أو مكان طبيعي زي البحر مثلا والشاطئ أو أي مكان بترتاحي فيه شخصيا ولكن يكون فيه جو من الطبيعة ولوحدك مينفعش يكون معاكي حد

طيب لو مش هتقدري تخرجي من البيت لو عندك حديقة أو منظر طبيعي فالبيت أو البلكون بيطل علي منظر حلو بس مش تجيبي فاظ بالورد وتسرحي فيها

شوفي حتي لو هتنظري للسماء طبعا مفيش أجمل من كده

تقدري تعملي ده كل اللي عليكي هتقعدي من نصف ساعة إلي ساعة فالمكان الطبيعي ده ومتفكريش في حاجة

أبدا تناسي كل شئ مش بقول انسي بقول هنتناسي حتي أسمك بس تطلعي في المنظر اللي قدامك وفي الجمال اللي بتشوفيه حواليكي وأسرحي بس فالمنظر كل ماعقلك يفكرك بش أنسيه تماما

هنا بتعملي صفاء للذهن ورفريش للعقل لو عملتي التجربة دي كل أسبوع مرة علي الأقل هتفرق معاكي كتير جدا

وهتحسي بالفرق وطبعا هنا للي ظروفها صعبة مش هتقدر تتحكم في وقتها يوميا

لكن اللي عندها وقت فراغ تقدر تعملها علي مدار ساعتين وممكن من مرتين إلي ثلاثة في الأسبوع



اذا البرنامج للعلاج الذاتي المفروض هتعمليه بالنظام ده ووزعي النظام علي حسب وقتك






طريقة البرنامج


أول أسبوع المفروض بتكرري التجربة من مرتين ل ثلاثة مرات

ثاني أسبوع علي الأقل مرتين

ثالث أسبوع يكفي مرة وخاصة لو الضغوط اللي عندك بسيطة


وهتستمري كل أسبوع مرة علي التواصل ومستمرة هتلاقي فعلا في فرق بحياتك



أو علي الأقل عقلك أخد إجازة من الضغوط اللي عليه لأن في ناس كتيرة بتفتكر النوم هو الحل بالعكس عقلك الباطن شغال

فما بالك بتجربة العلاج الذاتي لصفاء الذهن

أنك هتوقفي عقلك لمدة لا تقل عن ساعة تماما وهتعيدي تشغيلها كأنك بتعملي رفريش للطبيعة وبنصحك تحاولي متفكريش في أي سلبية بل ممكن تتذكري مواقف إيجابية بحياتك ويفضل أنك متفكريش بس عيشي اللحظة






التجربة الثالثة

الهوايات الشخصية




هي ضعيفة كتير ولكنها مجربة

ولأن ظروف الحياة جعلت ربة المنزل محكومة في دور ومكان ضيق جدا وهو البيت وده أخر حدودها

والبيت والأولاد وخاصة للمتزوجات أصبح من دور ومسؤلية لعبئ في بعض الاحيان ولكن المفروض أنك فعلا تلاقي وقت لنفسك تتفرغي فيه

مارسي الهوابة المفضلة واللعبة المفضلة القراءة هتقولي وأنا مضايقة

هقولك جربي وشوفي علا الحل الغريبة ان الناس بتاخد الأمور ليس علي محمل الجد فالأول علي بعض الأساليب ولما بتكون ضحية الضغط النفسي ويحصل معاها Stress

بتقول ياريت حاولت أعالج نفسي بالأول علشان تقدري تكلمي حياتك لازم تساعدي نفسك

إذا الهواية واللعبة المفضلة والقراءة بتصفي الذهن ليه قلت عنها أنها ضعيفة لأن قليل من الناس بتعملها وقليل منهم بينفذوها فعلا وبيعرفوا الفرق وبينجحوا فيها

في جزئية كمان مهمة جدا فالموضوع

وأنتي بتاخدي شاور يعني انا عارفه غالبا من ضجة ومسؤلية الاولاد غالبا بتنسي حطيتي الشامبو علي رأسك والا فين

بس معلش عادي يعني حاولي فعلا وانتي بتاخدي الشاور تكوني ريلاكس خلي الماء دافئ بسيط وأستمتعي بقي بالنظافة والنشاط والحيوية بعد الشاور يعني بتشوفي وتسمعي كتير ناس لما بتضايقبتاخد شاور وتحس أنها عايزة تفوق

هو ده اللي عايزة اوصله ليكي فوقي نفسك من المشكلة مش لازم يجيبه كوب الماء يكبوه عليكي لتتفوقي

لا أنتي وتحت الشاور حاولي ترفعي رأسك وتعملي مساج لشعرك وتدليك الجبهة

وميمنعش ان الشاور جل الخاص بيكي ذو رائحة مفضلة عندك

كل الطرق دي تقدري تعمليها فالبيت في طرق كتيرة ولكن دي ابسط الطرق

الحمد لله نجحت مع الكثير وفتوكات جربوها وكانت بتهدي شويا أعصابهم وخاصة ظروفهم تمنعهم من الخروج اليومي





الصبر والهدوء والتاني في حل المشاكل مش هيخليكي توصلي لحالاتت الانهيار والتعب ولكن بالعكس

هتعرفي تعملي كنترول بأعصابك وتتحكمي في نفسك بشكل تقدري تعطي قرار وتفكري بطريقة صحيحة

وبتمني من الله عزوجل أن يوفقكم ويفرج هم وكرب امة محمدا جميعا

كلنا ما علينا الا الدعاء والأستغفار وتلاوة القرآن يوميا هتلاقي فرقت معاكي الحياة كتير والصبر كل شئ هيتحل

أحنا بنحاب وبنتعذب وبنتخانق علشان آيه كل الدنيا امورها هتمشي بالعقل والحكمة سواء تعصبتي او هديتي فالاخر هتلاقي الامور هتعدي وهتقولي ليه عملت في نفسي كده


اللي كانت بتسأل عن سبب الهدوء النفسي عندي كده عرفتي السر وبتمني تجربه وترجعولي فالموضوع تطمنوني علي النتائج

في طبعا طرق علمية صحيحة ومجربة للعلاج النفسي لكل حالة سواء ضغط نفسي او اكتئاب أو قلق او غيره ولكن في البعض غير مستعد للعرض علي طبيبة نفسية لذلك حاولي تقري وتتثقفي بعض ماتكوني عرفتي تشخيص حالتك تماما وهتلاقي بالإنترنيت كل الطرق للعلاج الصحيح





أتركيها وتوكلي علي الله سبحانه وتعالي

وأذكركم هذه طرقي الخاصة في العلاج الذاتي بأبسط الطرق

لو عندك مشكلة فأول موضوع بتوقيعي

ولا تنسوني من دعائكم

بعد الموضوع هكتب مقال صغير عن العلاج الذاتي
من وجهه نظر علماء النفس





دعواتكم لي


تقييمك يهمني

تحياتي للجميع













الرجوع الى أعلى الصفحة اذهب الى الأسفل
http://her-majesty.own0.com
صاحبة الجلاله
مديرة ومؤسسة المنتدي
مديرة ومؤسسة المنتدي
avatar

المشاركات : 2527
تاريخ التسجيل : 15/11/2009

مُساهمةموضوع: رد: العلاج الذاتي لصفاء الذهن علي طريقتي الخاصة   8/8/2017, 6:56 pm

المقال حبيباتي


على الشخص المتأزم نفسيا ان يتبع الخطوات العلاجية الآتية حتى يتغلب على ازماته :


1-لا تزد متاعبك العقلية بالتفكير بالماضي


2-فكر بالأمور المستقبلية ، ولا تقلق حول أمور مستقبلية لا تستطيع التحكم بها .
3-واجه كل مشكلة على حده



4-لا تفكر بكل مشاكلك في وقت واحد ، بل عالج كل مشكلة على حدة ،
5-إن تفاعلك مع مجموعة من الاجهادات الفكرية كما لو أنها تشكل تهديدا واحدا مترابطا يؤدي غالبا إلى عدم قدرتك على اتخاذ إجراء إيجابي ، كما قد يؤدي ذلك إلى إصابتك بمرض عقلي خطير .

6-اطلب النصيحة وكن ايجابيا :

تحدث حول مشاكلك مع أخلص أصدقائك وأقرب الناس إليك ، لا تكثر من التذمر أمامهم ،ولا تحاول أن تحملهم عبء همومك ، بل اطلب نصائحهم وأنصت إلى آرائهم حول هذه المشكلة .



7-بعد أن تقرر ما تريد أن تفعله بشأن مشكلة معينة تستطيع معالجتها ، تصرف بسرعة وبحزم ،فالتصرف الإيجابي أصح من التمادي في التفكير السلبي .


إياك و الوحدة
8-اشغل نفسك وعقلك قدر المستطاع ، فالمشاركة في أي نشاط اجتماعي هي أفضل من الوحدة في أوقات التوتر العاطفي الكبير


9-لا تضمر ضغينة لأحد ، ولا تلم الآخرين على مشكلتك الحالية ، حتى ولو كنت بالفعل قد ظلمت ،فالشعور الثابت بالعداء والحقد لن يحقق شيئا سوى المزيد من الضرر لصحتك العقلية .


10-زيادة نشاطاتك الاجتماعية
11-من الضروري أن تكرس بعض الوقت في كل يوم للاسترخاء البدني الذي يحرر عقلك مؤقتا من مشاغله ،


12-من الأفضل لك كثيرا أن تركز اهتمامك على ما تشاهده حولك بدلا من تركيزه على المشاكل التي تشغل ذهنك .



13-إلى جانب ضرورة زيادة نشاطاتك الاجتماعية والرياضية ، فمن ا
لمهم بصورة خاصة أن تتابع منهاج عملك اليومي الاعتيادي .


14-إن المحافظة خلال الأزمات النفسية على النمط المألوف في تناول الطعام ، وتنفيذ الواجبات في الأوقات المحددة يمكن أن يشجع على اكتساب شعور بالأمان من خلال فرض التنظيم على الفوضى الظاهرة .


15-نم جيدا وكي لا تأخذ مشاغلك معك إلى سريرك لا تحاول أن تفكر بها بعد الساعة الثامنة ،فأنت ستنام بصورة أفضل إذا تمكنت من وقف التفكير بمشاكلك قبل عدة ساعات من ذهابك إلى الفراش ،وإذا حدث أن استيقظت خلال الليل ستجد نفسك مسترخيا بما فيه الكفاية لمعاودة النوم ، هذا إذا لم تكن قد أجهدت فكرك في وسيلة حل المشكلة قبل بداية استغراقك في النوم .


16-اعترف بأزمتك النفسية :

تعلم كيفية الاعتراف بأزمتك النفسية ، ولا تكن مكابرا جدا بحيث لا تقر بأن القلق يغمرك ،وبأنك لا تستطيع معالجة الأزمة بنفسك ، استشر طبيبك اليوم قبل الغد ، أو اطلب المساعدة من أي مؤسسة تهتم بمساعدة الذين يعانون من محن عقلية قد تفاجأ عندما تكتشف أن بإمكانك التغلب على مشاكلك ،ومخاوفك العقلية بعد أن تتحدث عنها إلى الآخرين .


17-نجاحات شخصية:

حدد في الصباح أهدافا صغيرة قابلة للتحقيق ، على سبيل المثال : عند الظهر سأنتهي من هذا المشروع أو عند المساء سأكون قد أنجزت ترتيب غرفتي .


18-الحوار مع أصدقاء:

حاول أن تتذكر أصدقاء لم تجتمع بهم منذ فترة طويلة ، بادر أنت إلى الاتصال بهم أو إلى الاجتماع بهم ،وتذكر وإياهم الأيام الماضية دون التطرق إلى المشاكل الحالية .


19-تصرفات مفيدة:

خذ معك إلى المنزل وردة أو زهرة وقدمها إلى زوجتك أو والدتك ،
أعط طفلا بالونا أو قطعة بسكويت إذا جعلت غيرك يشعر بالسعادة سوف تشعر أنت أيضا بالراحة .

20-الماء والقرآن
ابدأ نهارك بحمام دافئ أو منعش حسب الطقس ، أدر جهاز الراديو واستمع إلى القران الكريم ،وليس نشرات الأخبار ؛ فالماء يمتص الشحنات الكهربائية من الأعصاب ؛والقران يؤثر إيجابيا على المزاج .







الرجوع الى أعلى الصفحة اذهب الى الأسفل
http://her-majesty.own0.com
 
العلاج الذاتي لصفاء الذهن علي طريقتي الخاصة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي نسائي ثقافي أجتماعي للمرأة العصرية :: الركن الصحي( الطب والصحة ) :: العيادة الطبية والنفسية-
انتقل الى: