نصائح لحياتكـ بعد الخطوبة
ⓌⒾⓉⒽ ♥ⓃⒶⓇⓁⓨ♥
♥ⓃⓄⓊⓃⒶ♥
♥♥♥♥♥♥♥♥♥
كل بنوتة بتحلم بيوم خطوبتها وعرسها وطبعا ده حلم أي بنت
لكن لما بتلبس الدبلة بتصدم بالواقع ولما بتتجوز بتصدم بواقع أكبر
هي مش صدمة هي مرحلة بتعيشي فيها وبتأقلمي نفسك عليها بعد فترة طبعا
الحياة مش كلها دلع الخطوبة ومسؤلية الزواج هي فيها وفيها
نصائح مهمة لحياتك في مرحلة الخطوبة
بعض الأمور بتتغير في حياتنا كلنا فترة الخطوبة لازم يافتوكة تنتبهي لها:
تفكيرك بتجهيز عش الزوجية وترتيبات الزواج وترتيبات الجهاز وازاي تأمني بيتك المستقبلي
وبتفكري مع خطيبك في ترتيبك لانجاب مابعد الزواج وطريقة المعيشة والحفاظ علي الدخل ومصادره
هتلاقي تفكيرك بقي أكثر جدية ولكنه علي ورق غير لما تتجوزي وتنفذيه بس بيفضل عقلك مشغول بيه
كمان في مناسبات كتيرة هتجمعك مع أهل خطيبك لازم تستعدي لها ومضطره تقبلي اللي يناسب تقاليد عائلتك طبعا
والمجاملات والاحترام والود لازم تحافظي عليهم وتهتمي بالمناسبات بين العائلتين وأغلب المناسبات والأعياد هتحضريها مع عائلة خطيبك وهتجتمعوا كتير فياريت تحافظي علي علاقتك بيهم جدا وتظهري بطريقة مميزة ومهذبة فالتعامل
كمان اصدقائك واصدقائه لازم تحافظي علي العلاقة مابينكم بأحترام لانهم هيدخلو بيتكم وممكن يكونو اصدقاء دائمين لكم
أنتي وقتك لو فترة الخطوبة قصيرة هتبقي مشغولة جدا فتحضيرات الفرح والزواج فلازم تاخدي بالك من نفسك وصحتك وبشرتك وشكلك وتهتمي بمظهرك جدا
هتحضري نفسك لتعلم كل ما يحبه خطيبك ولازم تهتمي بتعليم شغل المطبخ والطبخ ده ضروري جدا
تهتمي بالمواعيد وتتفهمي وضع خطيبك والمواقف اللي بتزعلكم وتفرحكم من بعض وتتعرفي علي شخصيته
وتحافظي علي نقاط التواصل مابينكم فمعرفته والتعارف علي عائلته وتهتمي بالمزايا والعيوب فشخصيته
وهو بالطبع بيعمل كده وبيختبر كل شئ فيكي فحاذري وحافظي علي مكانتك
ممكن يرفض شغلك لو بتشتغلي وممكن يووافق لازم تتفقوا علي كل حياتكم قبل متدخلي القفص الزوجي
أحيانا العائلتين بيتفقوا ويختلفوا خليكي حمامة السلام بس متصغريش نفسك ولا عائلتك
كل ما عملتي لنفسك شخصية واضحة وفهم طبعك وفهمتي طبعه هترتاحي بعدين فالتعامل
الأخلاق والثقة والتفاهم والأحترام والتعاون هم أساس البيت الناجح
حافظي عليهم ولا تتنازلي عن حقوقك ولكن في أوقات مطالبك مش بتكون حق بتكون أكتر من الازم خليكي معتدلة
لازم تعملي توازن فطلباتك علي قد ظروفكم الشخصية معا وبتمني لكل مخطوبة حياة سعيدة وزواج مبارك يارب
دعواتكم لي
تقييمك يهمني
تحياتي للجميع