منتدي نسائي ثقافي أجتماعي للمرأة العصرية
اهـلا ومرحبا بـك يـا زائر في مـنـتـدي صاحبة الجلاله

نرجو أن تحترم القوانين وتذكري و أنتبهي اختي الفاضلة

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

أشتركي معنا وأنضمي لأسرتك الثانية


 
الرئيسيةالرئيسية  البوابةالبوابة  اليوميةاليومية  الأحداثالأحداث  س .و .جس .و .ج  بحـثبحـث  التسجيلالتسجيل  دخولدخول  
بحـث
 
 

نتائج البحث
 

 


Rechercher بحث متقدم
المواضيع الأخيرة
.: عداد زوار المنتدى:.
لغة المنتدي

شاطر | 
 

 أهمية السؤال عن المتقدم لخطبتك ؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
صاحبة الجلاله
مديرة ومؤسسة المنتدي
مديرة ومؤسسة المنتدي
avatar

المشاركات : 2553
تاريخ التسجيل : 15/11/2009

مُساهمةموضوع: أهمية السؤال عن المتقدم لخطبتك ؟   21/7/2017, 11:39 pm





أهمية السؤال عن المتقدم لخطبتك
ضروري والا شئ تقليدي




رجعتلكم بموضوع مهم جدا لكل مخطوبة

موضوعي بعنوان

أهمية السؤال عن المتقدم لخطبتك ؟

الزوج المطلق أو المتزوج من إمرأة أخري أو الأرمل

ومش بس هما لا والبنات اللي بيتقدم لها عريس لم يسبق له الزواج

مشكلة لكل فتاة بيتقدم لها شخص منهم بتبقي محتارة أنها ممكن تكون معجبة بيه

أو بتحبه أو خايفة علي نفسها أنها متتزوجش أو زوج وخلاص أو تبع الأهل أو زميل عمل

هي دي المشكلة نحللها سوا ونفهم الموضوع





من أركان الزواج الناجح يابنات السؤال عن المتقدم لخطبتك

مش معني كلامي أن هنرفض نتزوج منهم بالعكس ولكن المشكلة فحياتك أنتي

لازم تكوني مقتنعة أنك هتتزوجي من زوج كان متزوج من امرأة أخري وربما يكون عنده أولاد هتقدري تقبليه زي ماهو والا لا دي بترجع لقناعتك بالشخصية نفسها في أنسان فعلا بيكون يستحق أنك توافقي عليه لمييزات كثيرة جدا وفي العكس





وفي بيتقدملك أرمل وله أولاد ونفس الشئ عليكي تقتنعي بيه أو لا ولكن مفيش حد يكون فارض عليكي الزواج منه ومشكلة الأولاد بتحليها معه قبل الزواج


طيب والزواج اللي متزوج وهتكوني أنتي زوجته التانيه لازم تكون الزوجة الأولي علي علم بالزواج وده أفضل ليكي من جميع

الجوانب من المشاكل المحيطة بينا بنقابل كل يوم مشكلة بسبب الزوجة الثانية هل هي ظالمة أو مظلومة دي مش قضيتنا حاليا لأن فالأول والاخر نصيب ومن حقك تختاري اللي تقتنعي بيه أنتي بدون فرض عليكي

من العائلة والأهل والأصدقاء والظروف المادية والمعنوية يعني لما تفكري توافقي علي عريس لازم تكوني نفسيا مؤهلة للتفكير فالموضوع بجدية وكتير تراجعي نفسك لحد ماتوصلي لقرار





ده كله مش موضوعي اليوم موضوعي اليوم هو

السؤال عن الخاطب أو المتقدم ليكي؟


يعني الطبيعي والعادات والتقاليد أن وقت البنت بيتقدم لها عريس الأهل بيسألوا عنه

طيب هل بتسأليه عن سبب طلاقه أو خلافه مع الزوجة الأولي

أكيد بتعرفي منه الحقيقة أو اللي هو بيقنعك بيها أنها حقيقة

لازم تعرفي السبب منه ومن أهله وجيرانه والمقربين له ولو لازم الامر من زوجته الأولي أو طليقته وطبعا مش أنتي اللي تسألي لوحدك في الوالدين والأخوه علشان يقدروا يعرفوا أصدقائه


هتقولي ماهي ممكن مش هتقول الحقيقة ربما ليه لا بس غالبا وأنتي بتسألي كل اللي ذكرتهم هتعرفي تستنتجي الحقيقة وتعرفي التفاصيل طيب ليه هتسألي




لأن كل يوم بنشوف نفس المشكلة سألت عليه وكان كويس وأكتشفت بعد الزواج أنه كان مريض نفسي أو بيضرب زوجته أو مادي جدا وأسباب كثيرة لا تعد

الزواج حبيباتي مش بس بيت وأسرة ولكنه تفاهم وأثنين هيعيشوا ويبنوا حياة مستقرة سوا لو أتبنت صح هتفضل صح علطولومتنسيش كل مابني علي باطل فهو باطل

أنتبهي أنك تقولي أنا عارفاه في شغلي مهذب والامعجبه بيه وفالأخر تكتشفي أنك مش عرفاه بالمرة





وبتمني تكوني فهمتي موضوعي بشكل مبسط
في بنات كتيرة بتقول أنا ميهمنيش ماضيه ولكن هبدأ معاه صفحة جديدة

معاك حق أبدئي حياة جديدة بس علي نور يعني عارفه عنه كل شئ علشان تعرفي تبدئيها صح

وأصدقائه المقربين اللي في بنات بتتجاهلهم متنسيش

المرء علي دين خليله أخلاقه مهمة جدا لأنه بالنسبة ليكي زوج مش زميل






السؤال عن المتقدم لخطبتك ضروري جدا علشان حياتك أنتي

مش كل المتقدمين للخطبة صالحين ولا فاسدين ولكن في وفي لازم ننتبه ونسأل كويس جدا

حتي لو أنتي مخطوبة حاليا حاولي تسألي وتعرفي أكثر وتستخيري الله قبل إي خطوة بعد السؤال عنه وعن أهله لأنهم ربما سبب الطلاق من قبل



وبتمني لكل بنات أمة محمدا أن يرزقهم الله الزوج الصالح والذرية الصالحة يارب






دعواتكم لي

تقييمك يهمني

تحياتي للجميع










الرجوع الى أعلى الصفحة اذهب الى الأسفل
http://her-majesty.own0.com
 
أهمية السؤال عن المتقدم لخطبتك ؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي نسائي ثقافي أجتماعي للمرأة العصرية :: ركن عالم الأسرة والطفولة :: المخطوبات-
انتقل الى: