منتدي نسائي ثقافي أجتماعي للمرأة العصرية
اهـلا ومرحبا بـك يـا زائر في مـنـتـدي صاحبة الجلاله

نرجو أن تحترم القوانين وتذكري و أنتبهي اختي الفاضلة

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

أشتركي معنا وأنضمي لأسرتك الثانية


 
الرئيسيةالرئيسية  البوابةالبوابة  اليوميةاليومية  الأحداثالأحداث  س .و .جس .و .ج  بحـثبحـث  التسجيلالتسجيل  دخولدخول  
بحـث
 
 

نتائج البحث
 

 


Rechercher بحث متقدم
المواضيع الأخيرة
.: عداد زوار المنتدى:.
لغة المنتدي

شاطر | 
 

 أيام الخطوبة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
صاحبة الجلاله
مديرة ومؤسسة المنتدي
مديرة ومؤسسة المنتدي
avatar

المشاركات : 2333
تاريخ التسجيل : 15/11/2009

مُساهمةموضوع: أيام الخطوبة   1/7/2017, 2:01 am




 أيام الخطوبة





الخطوبة فترة قد تكون قصيرة أو طويلة ولكنها بتمر معاها اوقات وذكريات دائما نتذكرها ونتمني لو عادت مرة أخري بعد الزواج

وأحيانا بتمر فيها مشاكل ومواقف بتأثر علينا وعلي حياتنا وبتستمر وتعدي واحيانا بتووقف وبتمني ان شاء الله الدورة تفيدكم في العديد من حل مشاكل الخطوبة وبنفس الوقت نحاول نتعلم طريقة الاستمتاع بهذه المرحلة من حياتنا

البنت في فترة الخطوبة بتكون سعيدة لوجود شئ جديد دخل حياتها وانها هتبتدي تبني بيت واستقرار وحياة سعيدة بانتظارها بتبني كثير من الاحلام في هذه الفترة وايضا بتكون مشغولة دائما بتجهيز فترة الخطوبة للاستعداد لمنزل الزوجية

علشان كده هنحاول فعلا نتكلم في كل اللي بيدور في فترة الخطوبة من أول ما لبستي دبلتك فاليمين لحد ماتنقليها لايدك الشمال ان شاء الله





زي ماقلت الخطوبة فيها فترة حلوة وذكريات رائعة بتقربي لشريك حياتك وتتعرفي عليه وتفهمي أخلاقة وصفاته ومييزاته وعيوبه وتتعرفي علي طباعه وعلي عائلته والعائلة اللي هتتنقلي فيها والبيئة المختلفة عن بيئتك فالعادات والتقاليد

وهو نفس الشئ بيتعرف عليكي وعلي عائلتك وعلي كل صفاتك واطباعك وفعلا في ناس بتبدا المحبة بينهم من خلال فترة الخطوبة وبيحاولوا يتعرفوا ويتعلموا ازاي يبنوا بيت الزوجية بأيديهم

في كل الاوقات بتمر مواقف في مرحلة الخطوبة احيانا بتكون مشاكل مع العائلتين وأحيانا بتكون بسبب اختلاف في وجهات النظر او اختلاف علي متطلبات واحتياجات لدي العائلتين





وفي طبعا عائلات بتتافهم بسهولة وبتمر مرحلة الخطوبة كمل يتمنوا لعدم وجود عائق لذلك بتمني تستفيدي معايا في هذه المرحلة والدورة وتتعلمي ازاي تبني حياتك علي أسس سليمة علشان ترتاحي في مرحلة الزواج

كتير فاكر ان مرحلة الخطوبة بس فرح وسعادة ولكن بتنقسم فترة الخطوبة مابين الجد والمرح ومابين التعب والأرهاق

لان انتي بتحبي تقضي وقت الخطوبة بشكل يدوم ومرحلة تعارف مهمة وفي نفس الوقت عليكي أعباء اخري تحضير المنزل والديكور والموبيليا وتختاري ملابسك وتتعلمي تهتمي بمظهرك اكتر من السابق وتهتمي بكل الجوانب في فترة الخطوبة وزي ماتفقنا ان في فترة قصيرة





واحيانا بتحاولي تحققي كل ده فوقت قصير أو لا وفي فترة خطوبة طويلة وبتجهزي نفسك براحتك بدون أستعجال مع ان انا مش بحب فترة الخطوبة الطويلة لاسباب كتير هنتكلم عنها في محاضارت قادمة ولكن احيانا فعلا بتبقي غصب عن الطرفين لظروف مادية أو لسفر الخطيب أو غيره

في محاضرتنا الاولي هنتكلم فيها عن ايجابيات فترة الخطوبة بشكل مبسط وتكون محاضرة خفيفة نحاول نستفيد من كل النقاط الللي فيها

هنتكلم في بعض المواضيع اللي ممكن تكوني عرفاها أو بتعشيها الان





نبدأ بالحوار

فترة الخطوبة هي فعلا مرحلة مهمة جدا للتعارف من قبل الطرفين والتفاهم علي الحياة اللي هيبنوها بعدين وتفهم طباع كل منكما الاخر وده مهم جدا انتي عارفه ان اساس البيت السعيد المستقر التفاهم والتعاون والمشاركة والمحبة والثقة والاحترام المتبادل كل ده بيغير فعلا في سلوك كل فرد فيكم وبيعالج كتير من المشاكل بهدوء وتفاهم

شفتي قلت التفاهم والتعاون الاول لان فعلا البيت اللي مفهوش تفاهم وتعاون زي اي علاقة ممكن تخرب بسهولة فلازم يكون بينك وبين خطيبك لغة حوار متبادلة في الاراء وفي الاختلاف ايضا يعني لو تناقشتوا في موضوع عادي جدا لو فعلا

تبادلتم النقاش والحوار وتوصلتوا لحل في نوع من الرجال لن يقبل الحوار تجنبي هذا النوع من الرجال لان مش موضوع ان رايه يكون صح علشان هو الراجل او الاقوي بالعكس تماما





الرجل الصحيح بيكون فعلا عنده لغة حوار وتفاهم مع شريكة حياته ومستقبله لانها هتكون زوجته وام اولاده تاكدي تماما ان الرجل غير البنت هو بيختارك بعقله قبل قلبه وخاصة في مرحلة الزواج لسبب واحد

لان بيدور علي اللي هتكون فعلا زوجة وام مش بس حبيبه يعني لازم تملي عينه في كل شئ وخاصة في العقل وهي افضل طريقة انك تكوني محاورة جيدة تناقشي وتقولي رايك وتكوني فعلا عاقلة فالتصرف والتحكم لان بيكون له نظره في طريقة تفكيرك





وبعد كده من الحياة والفترة والمواقف بتلاقي الاحترام المتبادل والثقة والمحبة بين الطرفين فبتسهل عليكي طريقة التفكير والاراء وتجنب المشاكل وايجاد حلول لكل موقف بتمر فيه مرحلة الخطوبة

وبعدها بنرجع لان مش بس بنهتم بالحوار مع الخطيب ولكن عائلته مهم جدا انك تعرفيهم صح ليه؟

لكل الاسباب اللي بنسمعها والمشاكل اللي بنشوفها حاليا مع بعض الزوجات والحموات الفاتنات





لازم فعلا تكتشفي أهل خطيبك وهل فعلا بيراعوا ربنا والا لا وتعاملهم معاكي ومع كنة البيت او زوجة الابن الاخر لو في او تعاملهم مع بعض او مع الجيران لازم تعرفيهم فرد فرد مين هما اللي هتدخلي عائلتهم وتنتسبي لهم

سواء كانوا الحماه والده ووالدته او أخواته أو الاهل بشكل المحيط بيهم دائما وخلافاتهم أسبابها وايه اقرب طريق توصلي فيه لحماتك لانها لو رضيت عليكي هترتاحي كتير جدا






هرجع تاني عن الخطيب

أولا مرحلة الخطوبة مش معني أن مخطوبة لفلان يبقي ممكن يكون نصيبي وانتوا عارفين كده كويس جدا في منكم استخير رب العالمين وبين معاه الخير ووفق في الخطوبة وان شاء الله بيكون لهم نصيب مع بعض

وفي لا ممكن فعلا تكون الخطوبة غير ناجحه ولن تتم وبعد كده ربنا بيبعت لها نصيبها اللي تتهني فيه ان شاء الله

بقصد هنا انك مش بس بتركزي علي تجهيز عش الزوجبة فقط لا تدرسي كويس جدا اللي هتعيشي معاهم حتي لو هتكوني مستقلة فبيت بعيد عنهم ولكن لازم تعرفي طباعه وطباع عائلته للتافهم اكتر





ومش معني كده ان مفيش خطوبة بدون عوائق بالعكس في كل شئ وبيمر وبيعدي وبتنتهي بالخير للطرفين

يعني الأفضل تركزي في كل ده ومتعديش حاجات صغيرة وتتهاوني فيها وتلاقيها كبرت بعدين لازم تفهمي وتتعلمي هتعملي ووتوصلي لاي حل بدون تعقيد للأمور




بتمني اكون أفادتكم حبيباتي

دعوااتكم لي
تحياتي للجميع














الرجوع الى أعلى الصفحة اذهب الى الأسفل
http://her-majesty.own0.com
 
أيام الخطوبة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي نسائي ثقافي أجتماعي للمرأة العصرية :: ركن عالم الأسرة والطفولة :: المخطوبات-
انتقل الى: