منتدي نسائي ثقافي أجتماعي للمرأة العصرية
اهـلا ومرحبا بـك يـا زائر في مـنـتـدي صاحبة الجلاله

نرجو أن تحترم القوانين وتذكري و أنتبهي اختي الفاضلة

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

أشتركي معنا وأنضمي لأسرتك الثانية
منتدي نسائي ثقافي أجتماعي للمرأة العصرية
اهـلا ومرحبا بـك يـا زائر في مـنـتـدي صاحبة الجلاله

نرجو أن تحترم القوانين وتذكري و أنتبهي اختي الفاضلة

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

أشتركي معنا وأنضمي لأسرتك الثانية
منتدي نسائي ثقافي أجتماعي للمرأة العصرية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


 
الرئيسيةالرئيسية  البوابةالبوابة  الأحداثالأحداث  أحدث الصورأحدث الصور  التسجيلالتسجيل  دخولدخول  
بحـث
 
 

نتائج البحث
 

 


Rechercher بحث متقدم
المواضيع الأخيرة
»  تهنئة للعريس يمني
فن تربية طفلكـ Icon_minitime1أمس في 12:47 pm من طرف امل حسون

»  تهنئة ختم القران
فن تربية طفلكـ Icon_minitime1أمس في 12:35 pm من طرف امل حسون

»  تفسير حلم عقد قران شخص اعرفه للعزباء
فن تربية طفلكـ Icon_minitime1أمس في 12:24 pm من طرف امل حسون

» تهنئة بالنجاح في الدراسة
فن تربية طفلكـ Icon_minitime1أمس في 12:12 pm من طرف امل حسون

»  تهنئة مولود جديد أنثى
فن تربية طفلكـ Icon_minitime1أمس في 10:38 am من طرف امل حسون

»  رؤية الشعر الطويل في المنام للعزباء
فن تربية طفلكـ Icon_minitime1أمس في 10:26 am من طرف امل حسون

»  رؤية العنب في المنام للعزباء
فن تربية طفلكـ Icon_minitime1أمس في 10:15 am من طرف امل حسون

» برج العقرب اليوم
فن تربية طفلكـ Icon_minitime1أمس في 9:04 am من طرف امل حسون

»  سلطة كراب
فن تربية طفلكـ Icon_minitime126/3/2024, 2:02 pm من طرف امل حسون

.: عداد زوار المنتدى:.
لغة المنتدي

شاطر
 

 فن تربية طفلكـ

استعرض الموضوع التالي استعرض الموضوع السابق اذهب الى الأسفل 
كاتب الموضوعرسالة
صاحبة الجلاله
مديرة ومؤسسة المنتدي
مديرة ومؤسسة المنتدي
صاحبة الجلاله

المشاركات : 2549
تاريخ التسجيل : 15/11/2009

فن تربية طفلكـ Empty
مُساهمةموضوع: فن تربية طفلكـ   فن تربية طفلكـ Icon_minitime11/7/2017, 1:56 am


فن تربية طفلكـ 14261803591904



فن تربية طفلكـ

بعرض عليكم الموضوع  وبعدها بناقشها سوا لو في نقاط طفلك بيعاني منها يجب توضيحها لمعالجة الأمر



فن تربية طفلكـ 13302133111337

نقول بسم الله الرحمن الرحيم

كل الأطفال يجب أن نشبعها بالحب والحنان والأهتمام بمشاعرهم

الطفل هو نسخة من والديه في تربيته وأسلوبه وعاداته بيورث منك ومن والده ومن البيئة المحيطة بعض السلوكيات سواء الصحيحة او الخاطئة

هتسأليني طفلي عنده عادة ما لم تتوافر في شخصيتي انا ووالده

هقولك اكيد اكتسبها منكم بشكل مباشر او اخر ربما فالبيت او الاهل او الأصدقاء أو المدرسة او النادي او الشارع أو وسائل الاعلام مثل التلفزيون او الانترنيت


فن تربية طفلكـ 13601452288



طيب عايزين نغير السلوك اللي اتخذه الطفل تغيير ايجابي

اذا تابعيني ونحاول نغير سلوكيات اطفالنا الخاطئة ولكن قبل أن اغيره يجب ان اغير من نفسي

اذا محاضرتنا الاولي عليكي أنتي

اسمعي يافتوكة انتي فعلا لازم تغيري اسلوبك معاه علشان يتقبل منك ناخد امثلة:



طبعا شفتي موضوعي لاتضيعي ابنك كأم مسؤلة




هنكمل الارشادات المهمه

وانتي فالبيت بتطلبي من ابنك اكتر من طلب في دقيقه

اعمل الواجب وقوم لم لعبك وروح اغسل ايدك يالا بسرعه الاكل جاهز

عارفه انك بتقولي انا بعمل كده

بهدوء ركزي كده طفلك هيستوعب كل ده مستحيل طبعا ركزي انتي بتعملي تشتييت لتفكير ابنك غيري أسلوبك اطلبي حاجة حاجة بس راعي وانتي بتطلبي تلغي صيغة الامر في كل شئ


فن تربية طفلكـ 13601452288


نكمل طفلك عنده واجب يالا اكتب انت مش هتكتب هضربك خلص بسرعه مش عارف تحسب كمان انت فاشل انت مش زي اخوك لا ابن عمك لا مش عارف مين

بجد انتي شايفه انه ده صح انتي كبتي الدافع اللي ممكن ياثر عليه وأثرتي فيه الغيرة الغير محببة بل ممكن تحوليه ل حاقد ايوه حاسد كمان شفتي

هتقولي معقول هقولك فعلا تعالي نحللها

انا مثلا عندي طفلين

الطفل الاول هو ايجابي وشاطر وبيكتب واجبه وبيذاكر ومنظم

لان الوالدين اتفقوا يعملوا بيئة ايجابية ذاكر حبيبي لتكون افضل طفل انا احب اشوفك كبير وشاطر وتحقق كل احلامك وانا وعد مني البي ليك طلبك لكن اشوف نتائج الشهر ده ممتازة واذا طفلك جاب النتائج جيد جدا وماله حبيبي ان شاء الله الشهر اللي جاي افضل انا واثقة فيك وبدعيلك اصبح الولد عنده حافز وصبر

الطفل الثاني مش بيذاكر لان البيئة غير متوافقة معاه عنده بيبي اخوه بيعيط ليل نهار او والدته مشغولة او مش موفرين له كل شئ نسبة لانشغالهم او انهم بيستخدموا العنف في كل شئ ذاكر انت فاشل انت خايب انت كل شهر نتائجج زفت شفت ابن عمك جاب 90% بس انت تاكل وتلعب مذاكرة مفيش ومش هجيبلك حاجه خليك كده وتضربيه وتذليه


فن تربية طفلكـ 13601452288



وفالاخر ربيتي فيه الخوف وكبتي الحافز وعلمتيه يكره ابن عمه ويحقد عليه هتلاقيه مبيحبش يلعب معاه وكل مايشوفه يفتكر كلمتك ويضربه ويمكن يكبر ويحسده علي اي لعبة والدته تجيبها له

الفرق يافتوكة بين الطفلين ممكن تكون درجة الذكاء واستيعاب عقلية الطفل والبيئة المحيطة به ده اللي عايزة اعلمهولك اعرفي ابنك ميوله ايه وايه هواياته وابتدي نميها فيه

ونشطي ذكائه لان ممكن يكون كسول بطبعه حاولي تفهميه مع الوقت هعلمك ازاي تفهمي تفكير طفلك


فن تربية طفلكـ 13601452288



طفلك نزل يلعب مع ولاد الجيران

انتي عرفتي هو نازل يلعب ايه ومع مين لو عرفتي اكمل كلامي

هتقولي ليا محترمين وبيلعبوا العاب ذكاء تمام

مش هنقول للطفل متلعبش بس مش معقول ان وقت مااقوله كفايه لعب انزل اضربه لانه مطلعش قدام اصحابه او ملابسه مش نضيفة بسبب لعب الكرة واحاسبه قدامهم طلعي طفلك وحسبيه في بيتك

بلاش علي طول كل مااطفالنا يخطئوا نلجأ فن تربية طفلكـ Smiley-shouting

للضرب والشتم والصوت العالي علي فكرة مش هيحترمك هيخاف منك بس ودي المصيبة

اذا احترمك تاكدي هيتحسن ويحاول يرضيكي لكن لو خاف منك بدون ميحترمك كل كلامه هيبقي استهزاء ومش هتعرفي تصاحبيه بعدين

كلمة انت لازم تكون مؤدب مش بالكلام

ابتدي صاحبي طفلك تعالي نتكلم سوا


فن تربية طفلكـ 13601452288



انا حابة اشوفك افضل طفل علشان ربنا يحبك وماما وبابا يجيبوا ليك كل شئ وانا وبابا بنتعب كتير علشان نقدر نجيب ليك انت واخواتك كل شئونحاول نسعدكم

طيب السعادة هتيجي ازاي لو كلنا ايد واحده بابا يشتغل وانا اعمل الاكل وانت تذاكر واختك تساعدني فالبيت وتكمل واجباتها ونتفوق في دراستنا ونلعب ونتسلي ونخرج

ولكن انا بزعل منك احيانا لو عملت كده وكده اوعد ماما متعملش كده تاني

ركزي معايا يافتوكة طيب لو عمل الخطأ تاني وكان بسيط راجعيه بنفس الكلام مرة واتنين وتلاته واربعه بس لو زاد عن حده نبتدي العقاب وهركز عليه في محاضرات قادمة مع الثواب والعقاب

ومننساش الخوف الزائد علي الاطفال بيأثر عليهم جدا انك تحرميه حتي من اللعب لانك خايفه يقع او ينجرح او غيره حقك تخافي بس مش حقك تقفلي عليه لازم له وقت راحة يلعب ويفكر وينشط حيويته




فن تربية طفلكـ 13601452288


طفلك وهو رضيع بيبكي ممكن تحمليه او تعرفي سبب بكاؤه ده امر طبيعي الغير طبيعي انه سواء بيبكي او مش بيبكي تحمليه هتسببي له اول ابواب الدلال

بيبكي هنحمله لانه بيحتاج الحب والحنان مش بيبكي خليه ولاعبيه عادي

طفلي مدلل

بيجيلك حد كده يقول طفلك مدلل او مايع او مدلع ليه

كنتي سبب الحماية الزائدة وخوفك الزائد علي طفلك

لدرجة انك بتخافي ابنك ينزل عالارض يتبهدل او تخافي ياكل نفسه او يدخل تواليت بنفسه خوف خوف خوف كنتي سبب ان ابنك ميعتمدش علي نفسه

علي الرغم انه ممكن يكون كبير مش رضيع خايفة يمسك شئ

الرضيع ببتدي اعلمه ده خطا ده بيحرق ده بيوجع علشان يتعلم طيب واللي اتعلم هتعامليه كانه لا يقدر علي فعل شئ من غيرك اكبر خطأ

لو روحتي زرتي حد وابنك قال ماما جبيلي اشرب او اكل او جبيلي اللعبة او المنديل وممكن يكون جنبه هيقول عليه مدلل لكن للاسف ميعرفوش انك السبب


فن تربية طفلكـ 13601452288

بالعكس علمي ابنك يعتمد علي نفسه جيبي حاجات في الريسبشن عندك

وعلمي ابنك من الصغر قوم هات اللعبة اللي هناك طيب افتح التلفيجن ممكن تجيب لماما تشرب وغيره وغيره لحد مايعتمد علي نفسه وتلاقيه يجيب طلبه بنفسه كده بنبتدي وشويا شويا هتلاقي نفسك تقوليله ممكن تجيب اكلك من الثلاجة او العصير او ممكن تلبس التي شيرت الازرق علي ماجهز شنطتك هتلاقيه يعتمد علي نفسه


الام اللي تاخرت في الانجاب وماصدقت ربنا رزقها بطفل او الام اللي انجبت طفل جميل او وسيم او الام اللي طفلها اتولد مريض للاسف بتعاني من المشكلة دي الدلال الزائد او الخوف والقلق الزائد علي اولادها لدرجه انها بتفقدهم الاعتماد علي الذات لا وبيخضعوا لكل طلبات اطفالهم حتي لو هتضرهم

حاولي انك متبلغيش بالامر لكن هتعاني فيما بعد ودي أمثلة للنتائج



فن تربية طفلكـ 13601452288



النتائج:

1.الطفل يصبح متأخرا بالنسبة لأقرانه.
2.معتمد على أمه في كثير من شؤونه لأن أمه لا تفسح له المجال.
3.غير مطمئن وضعيف الثقة بالنفس .
4.لا يحباللعب مع غيره مخافة في نفسه منها إنه يخاف أن يلحقوا الأذى به
5.معرض للحوادث غالبا أكثر من غيره .
6. لا ينجح في تكوين صداقات مع غيره , يحب العزلة .
7.إذا رافق الحماية الزائدة والقلق – التدليل والخضوع الزائد فإن ذلك يؤدي إلى أن الطفل يحدث له ثورات الغضب.


فن تربية طفلكـ 13601452288


نستكمل بموضوع اخر
بتمني اكون افادتكم

دعوواتكم لي

تحياتي للجميع



فن تربية طفلكـ 14261805501359




فن تربية طفلكـ 710


فن تربية طفلكـ 711
الرجوع الى أعلى الصفحة اذهب الى الأسفل
https://her-majesty.own0.com
 
فن تربية طفلكـ
استعرض الموضوع التالي استعرض الموضوع السابق الرجوع الى أعلى الصفحة 
صفحة 1 من اصل 1
 مواضيع مماثلة
-
» ❤أفضل نصائح علمية وصحيحة لتربية طفلكـ❤
» دورة فن تربية الأطفال
» تربية الأبناء بشخصية متكاملة
» دورة تربية الأطفال المتخصصة الاسبوعية مجانا
» أقوي موسوعة كاملة ومنوعة في تربية الطفل

صلاحيات هذا المنتدى:لاتستطيع الرد على المواضيع في هذا المنتدى
منتدي نسائي ثقافي أجتماعي للمرأة العصرية :: تربية وتنمية الأطفال-
انتقل الى: